-
Modi ki nu pode toma bons disizonVive filís pa tudu ténpu! — Un livru pa studa Bíblia
-
-
5. Ruspeta konsénsia di otus algen
Anos é ka igual ku kunpanheru, pur isu nu ka ta toma mésmu disizon. Modi ki nu pode mostra ma nu ta ruspeta konsénsia di otus algen? Odja dôs situason:
Primeru situason: Un irman ki gosta di uza makiaji ta muda pa un kongregason ki txeu irman ta xinti inkomodadu óras ki un algen ta uza makiaji.
Lé Romanos 15:1 i 1 Coríntios 10:23, 24, i dipôs pâpia sobri kes pergunta li:
Ku bazi na kes versíklu li, kuzê ki kel irman pode disidi faze? Kuzê ki bu ta fazeba si bu staba djuntu ku un algen ki se konsénsia ka ta dexa-l faze un kuza ki bu konsénsia ta dexa-u faze?
Sugundu situason: Un irmon sabe ma Bíblia ka ta fla ma é mariadu bebe bebida alkólika na limiti, má simé el ta disidi ka bebe. El ta konvidadu pa un konvíviu i el ta odja irmons ta bebe.
Lé Eclesiastes 7:16 i Romanos 14:1, 10, i dipôs pâpia sobri kes pergunta li:
Ku bazi na kes versíklu li, kuzê ki kel irmon pode disidi faze? Kuzê ki bu ta fazeba si bu odja un algen ta faze un kuza ki bu konsénsia ka ta dexa-u faze?
Kuzê ki ta djuda-u toma bons disizon?
1. Pidi Jeová pa djuda-u disidi kuzê ki bu ta faze. — Tiago 1:5.
2. Faze piskiza na Bíblia i na publikasons pa bu atxa prinsípius ki bu pode uza. Tanbê bu pode pâpia ku irmons ki ten más spiriénsa.
3. Pensa na modi ki bu disizon ta afeta bu konsénsia i konsénsia di otus algen.
-
-
Modi ki bu família pode ser filís? — Párti 1Vive filís pa tudu ténpu! — Un livru pa studa Bíblia
-
-
6. Bu pode vense prublémas na bu kazamentu
Ka ten ninhun kazamentu ki é perfetu. Pur isu, maridu ku mudjer debe trabadja djuntu pa es konsigi rezolve prublémas. Odja VÍDIU, i dipôs pâpia sobri kes pergunta li:
Na vídiu, kuzê ki mostra ma kel maridu ku mudjer staba ta afasta di kunpanheru?
Kuzê ki es faze pa bira ses kazamentu más fórti?
Lé 1 Coríntios 10:24 i Colossenses 3:13. Dipôs di lé kada testu, pâpia sobri kel pergunta li:
Modi ki sigi kel konsedju li, pode bira bu kazamentu más fórti?
Bíblia ta fla ma nu debe onra kunpanheru. Nu ta mostra ónra óras ki nu ta trata un algen ku bondadi i ruspetu. Lé Romanos 12:10, i dipôs pâpia sobri kes pergunta li:
Un maridu ô un mudjer debe spéra pa kel algen ki el sta kazadu ku el da-l ónra primeru? Pamodi?
-
-
Pamodi ki nos manera di bisti i di konpo é inportantiVive filís pa tudu ténpu! — Un livru pa studa Bíblia
-
-
Nos tudu nu gosta di skodje kuzê ki nu ta bisti i modi ki nu ta konpo. Si nu sigi alguns konsedju di Bíblia, nu pode ka sô bisti di manera ki nu gosta, má tanbê nu ta agrada Jeová. Nu ben odja alguns di kes konsedju.
1. Kuzê ki ta djuda-nu disidi modi ki nu ta bisti i konpo?
Nu debe skodje ‘uza ropa dretu, ku ruspetu i bon juís’. Tanbê nu debe sta sénpri linpu, asi otus algen ta odja ma nu ‘ta adora Deus.’ (1 Timóteo 2:9, 10) Nu ben odja kes kuatu konsedju li: (1) Nu debe uza ropa ‘dretu’. Talvês dja bu odja na runion ma povu di Jeová ta bisti diferenti di kunpanheru. Má, manera ki nu ta bisti i ki nu ta konpo kabélu sénpri ta mostra ruspetu pa Deus. (2) Bisti ‘ku ruspetu’ krê fla ma nu ka ta uza ropa ki ta poi otus algen ta ten pensamentus mariadu ô ki ta txoma txeu atenson. (3) Nu ta mostra ‘bon juís’ óras ki nu ka ta kóre tras di tudu kuza ki ben na móda. (4) Nos manera di bisti i di konpo debe sénpri mostra ma nu ta ‘adora Deus’, asi otus algen ta odja klaru ma nu ta sirbi kel Deus verdaderu. — 1 Coríntios 10:31.
2. Modi ki nos manera di bisti i di konpo pode afeta nos irmons?
É verdadi ki é nos ki ta disidi kuzê ki nu ta bisti. Má, nu debe pensa si manera ki nu ta bisti i ki nu ta konpo ta afeta otus algen. Nu ta faze nos midjór pa nu ka ofende ningen, má pa nu ‘agrada nos prósimu pa se ben, asi pa pode djuda-l.’ — Lé Romanos 15:1, 2.
3. Modi ki nos manera di bisti pode poi otus algen ta krê prende más sobri Jeová?
Sénpri nu ta sforsa pa nu bisti dretu. Má, nu ta toma más kuidadu inda, óras ki nu ta bai runion i nu ta sai na pregason. Nu ka krê pa nos manera di bisti distrai pesoas di kel mensaji inportanti ki nu ta leba. Má, nu krê pa nos manera di bisti poi pesoas ta krê prende más sobri Jeová i pa ‘ensinu di nos Salvador, bira bunitu.’ — Tito 2:10.
SABE MÁS
Odja modi ki nu pode ten sertéza ma nos manera di bisti i di konpo ta djuda otus algen odja ma nos é sérvus di Jeová.
Nos manera di bisti i di konpo ta mostra si nu ta ruspeta kes algen ki ten autoridadi. Tanbê, nos manera di bisti i di konpo debe mostra ma nu ta ruspeta Jeová, sikrê el sabe kuzê ki sta na nos korason.
4. Óras ki nu ta bisti i konpo dretu nu ta mostra ruspetu pa Jeová
Kal ki é motivu más inportanti ki nu ten pa nu preokupa ku nos manera di bisti i di konpo? Lé Salmo 47:2, i dipôs pâpia sobri kes pergunta li:
Óras ki nu ta lenbra ma nos manera di bisti ta afeta kuzê ki pesoas ta pensa sobri Jeová, ki disizons nu debe toma?
Bu ta atxa ma nu debe preokupa ku manera ki nu ta bisti óras ki nu ta bai runion i nu ta sai na pregason? Pamodi?
5. Modi ki nu pode toma bons disizon na nos manera di bisti i di konpo
Ka ta nporta si nos ropa é karu ô baratu, es debe sta linpu i di akordu ku lugar ki nu sta ta bai. Lé 1 Coríntios 10:24 i 1 Timóteo 2:9, 10. Dipôs, pâpia sobri pamodi ki nu debe ivita ropa ki é. . .
dislexadu ô informal dimás.
pertadu, ki ta mostra pártis di korpu ki ka debe ô ki ta poi otus algen ta ten pensamentus mariadu.
Nbóra nu ka meste sigi Lei di Muizés, el ta djuda-nu sabe kuzê ki Jeová ta pensa. Lé Deuteronómio 22:5, i dipôs pâpia sobri kel pergunta li:
Pamodi ki nu ka debe bisti i konpo di un manera ki ta poi ómi ta parse ku mudjer ô mudjer ta parse ku ómi?
Lé 1 Coríntios 10:32, 33 i 1 João 2:15, 16, i dipôs pâpia sobri kes pergunta li:
Pamodi ki nu debe toma kuidadu pa nos manera di bisti i di konpo ka ofende alguns algen na nos zóna ô na kongregason?
Modi ki pesoas na bu zóna ta kustuma bisti i konpo?
Bu ta atxa ma algun di kes manera ki es ta bisti ô konpo pode ser mariadu pa un kriston? Pamodi?
Nu pode bisti i konpo di txeu manera i simé kontinua ta agrada Jeová
ALGUNS ALGEN TA FLA: “N ten direitu di bisti sima N krê.”
Bu ta konkorda ku kel-la? Pamodi?
REZUMU
Óras ki nu ta toma bons disizon na manera ki nu ta bisti i konpo, nu ta mostra ma nu ta ruspeta Jeová i otus algen tanbê.
Perguntas di rezumu
Pamodi ki nos manera di bisti i di konpo é inportanti pa Jeová?
Kuzê ki ta djuda-nu toma bons disizon sobri modi ki nu ta bisti i konpo?
Modi ki nos manera di bisti i di konpo pode poi otus algen ta krê prende sobri Jeová?
DJOBE MÁS
Odja kuzê ki bu manera di bisti pode poi otus algen ta pensa sobri bo.
Prende pamodi ki nu debe pensa dretu antis di nu faze tatuaji.
Odja otus konsedju ki pode djuda-u toma bons disizon.
“Bu manera di bisti ta da Deus glória?” (Sentinéla, setenbru di 2016)
Modi ki un mudjer, ki krê agradaba Deus, prende ruspeta manera ki otus ta disidi bisti?
“Manera di bisti i konpo éra nha pédra di tropesu” (Nhos korda!, 22 di dizenbru di 2003)
-