• Kuzê ki ta djuda-nu ka perde alegria óras ki nu ta pasa pa prublémas
    Sentinéla di studu — 2021 | febreru

    • 2 Maioria di algen ta atxa ma es debe xinti alegria óras ki es ta sufri pirsigison? Nau. Má é kel-li própi ki Palavra di Deus ta fla pa nu faze. Pur izénplu, disiplu Tiagu fla ma nu ka debe xinti sima ki nu sta na un béku sen saída óras ki nu ta pasa pa prublémas. (Tia. 1:2, 12) I Jizus fla ma nu debe xinti alegria óras ki nu ta pirsigidu. (Lé Mateus 5:11.) Kuzê ki ta djuda-nu ka perde alegria óras ki nu ta pasa pa prublémas? Nu ben odja alguns konsedju ki Tiagu da kes irmon na ténpu di apóstlus i modi ki es pode djuda-nu. Má primeru, nu ben odja ki prublémas ki kes kriston pasa pa el.

      KI PRUBLÉMAS KES KRISTON DI TÉNPU DI APÓSTLUS PASA PA EL?

      3. Kuzê ki kontise un ténpu dipôs ki Tiagu bira disiplu di Jizus?

      3 Poku ténpu dipôs ki Tiagu, ki éra irmon di Jizus sô pa ladu mai, bira un disiplu, kes kriston na Jiruzalen kumesa ta pirsigidu. (Atos 1:14; 5:17, 18) I kantu Estevão matadu, txeu kriston fuji di la i es ‘spadjadu pa kes zóna di Judea i Samaria’ i es txiga ti Xipri i Antiokia. (Atos 7:58–8:1; 11:19) Ka ta da nen pa imajina kes difikuldadi ki kes disiplu tevi ki pasa pa el. Má simé, es kontinua ta prega notísias sábi ku alegria i es forma kongregason pa tudu inpériu Romanu. (1 Ped. 1:1) Má inda es ta ben pasaba pa txeu prubléma.

      4. Kal ki é otus prubléma ki kes primeru kriston pasa pa el?

      4 Kes primeru kriston, tevi ki pasa pa txeu prubléma. Pur izénplu, pa vólta di anu 50, kel inperador di Roma ki txomaba Kláudiu, manda tudu judeus pa sai di Roma. Pamodi kel-li, kes judeu ki biraba kriston tevi ki bandona ses kaza i ba mora na otu lugar. (Atos 18:1-3) Pa vólta di anu 61, apóstlu Polu skrebe ma pesoas insulta txeu irmon na frenti di otus, pô-s na kadia i ma es furtadu kes kuza ki es tinha. (Heb. 10:32-34) I sima kes otu algen, kes kriston tinha ki lidaba ku pobréza i prublémas di saúdi. — Rom. 15:26; Fil. 2:25-27.

  • Kuzê ki ta djuda-nu ka perde alegria óras ki nu ta pasa pa prublémas
    Sentinéla di studu — 2021 | febreru
    • Fotus: 1. Un lumi déntu di un lantérna ka ta paga sikrê ku béntu i ku txuba. 2. Un irmon di idadi ku un Bíblia abértu na mô.

      Sima un lumi ka ta paga déntu di un kanderu, kel alegria ki ta ben di Jeová ka ta kaba na korason di un kriston (Odja parágrafu 6.)

      6. Sima sta na Lucas 6:22, 23, pamodi ki un kriston pode ser filís mésmu óras ki el ta pasa pa prublémas?

      6 Pesoas ta atxa ma es ta ser filís sô si es ten un bon saúdi, txeu dinheru i un família filís. Má, sobri ki tipu di alegria Tiagu staba ta pâpia di el? El staba ta pâpia di un di kes kualidadi di frutu di spritu santu di Deus. (Gál. 5:22) Un kriston ta xinti alegria óras ki el sabe ma el sta ta agrada Jeová i ma el sta ta sigi izénplu di Jizus. Pur isu, kel tipu di alegria li ka ta dipende di situason di un algen. (Lé Lucas 6:22, 23; Col. 1:10, 11) Nos alegria pode ser konparadu ku lumi déntu di un kanderu. Pamodi proteson di kel kanderu, nen béntu nen txuba ka ta pode paga kel lumi. Di mésmu manera, nen insultu, nen opozison di família i di otus algen, ka ta kaba ku kel alegria ki un kriston ta xinti na se korason. Tanbê, nen falta di dinheru ô prubléma di saúdi ka ta pô-l ta xinti ménus alegria. Na verdadi, óras ki nu ta pasa pa opozison, kel alegria na nos korason ki é sima lumi, ta fika más fórti inda. Kes prubléma ki nu ta pasa pamodi nos fé, ta prova ma nos é disiplu verdaderu di Kristu. (Mat. 10:22; 24:9; João 15:20) É pur isu ki Tiagu skrebe: ‘Nhas irmon, nhos xinti alegria di verdadi óras ki nhos sta ta pasa pa txeu tipu di sufrimentu’. — Tia. 1:2.