Kuzê ki nu meste faze pa Deus fika kontenti ku nos?

Ka bu faze kuzas mariadu. 1 Coríntios 6:9, 10

Si nu ta ama Jeová, nu ka ta faze kuzas ki el ka gosta.

Jeová ka krê pa nu furta, bebe dimás, uza dróga, fuma i nen txera tabaku.

Deus ka gosta pa nu mata algen, pa tra mininu i faze relason seksual ómi ku ómi ô mudjer ku mudjer. El ka krê pa nu ser dodu na dinheru nen pa nu briga.

Nu ka debe adora imaji sima santu ô kalker otu kuza. Nen nu ka debe faze bruxaria ô fitisaria.

Na Paraízu ki ta ben ten na Téra, ka ten lugar pa algen ki ta faze kuzas mariadu.

Faze sô kuzas dretu. Mateus 7:12

Pa Deus fika kontenti ku nos, nu meste imita-l.

Bu ta mostra amor pa tudu algen óras ki bu ta trata-s dretu i bu ta djuda-s di korason.

Ka bu ngana algen.

Xinti péna di otus, djuda-s i purdua-s.

Pâpia ku otus di Jeová i di se Palavra. — Isaías 43:10.