‘Téra interu kontinua ta ten sô un língua’

11:1-4, 6-9

Na Babel, Jeová konfundi língua di kes algen ki ka obi ku el i el spadja-s. Oji Jeová sta ta djunta un monti di algen di tudu nasons i línguas. El sta ta da-s ‘un língua puru’ pa es ‘pode invoka nómi di Jeová, i pa es pode sirbi-l onbru ku onbru.’ (Sof 3:9; Ap 7:9) Kel ‘língua puru’ li é verdadi sobri Jeová i sobri se vontadi, sima sta na Bíblia.

Prende un língua novu ta iziji más di ki sô poi palavras novu na kabésa. Nu ten ki prende un manera di pensa diferenti. Di mésmu manera, sima nu ta ba ta prende língua puru di verdadi, nos manera di pensa ta muda. (Ro 12:2) Kel-li é un kuza ki nu ten ki kontinua ta faze i el ta djuda povu di Jeová fika más unidu. — 1Co 1:10