Kal ki é midjór manera di studa kes lison di Bíblia li?
Lé kel informason li primeru, i dipôs odja VÍDIU.
PRIMERU PÁRTI
Lé kada parágrafu i tanbê kes pergunta ki sta ku kor diferenti. (1) Dipôs lé kes testu di Bíblia (2) ki ta mostra kes pontu prinsipal. Repara ma alguns testu di Bíblia ten palavra “lé”.
PÁRTI DI MEIU
Dibaxu di kel párti Sabe más (3) ta splika kuzê ki bu sta ben studa. Subtémas (4) ta mostra kes pontu prinsipal. Lé testus di Bíblia, responde kes pergunta i odja vídius.
Kes VÍDIU ki sta na kes kaxa ta djuda-u ntende kel lison midjór. Alguns vídiu ta mostra kuzas ki kontise mê i otus vídiu ta mostra kuzas ki pode kontise na nos vida.
Odja fotus ô dizenhus i lejendas (5), i pensa modi ki bu ta respondeba na kel párti Alguns algen ta fla (6).
ÚLTIMU PÁRTI
Kada lison ta tirmina ku Rezumu i Perguntas di rezumu (7). Skrebe dia ki bu tirmina kel lison. Na kel párti Sprimenta faze kel-li (8) bu ta atxa alguns ideia di kuzê ki bu pode faze pa kontinua ta aplika kes kuza ki bu prende. Na kel párti Djobe más (9) bu ta atxa otus informason ki bu pode lé ô vídius ki bu pode odja.
Pártis di livru
|
|
|
|
|
Modi ki bu ta atxa testus na Bíblia
Bíblia ten 66 livru. El sta divididu na dôs párti. Ten un párti ki skrebedu na ebraiku i aramaiku (“Velhu Testamentu”) i ten otu párti ki skrebedu na gregu (“Novu Testamentu”).
Bu ta atxa testus di Bíblia na kel livru li. Un testu di Bíblia ten nómi di livru di Bíblia (1), kapítlu (2) i versíklu ô versíklus (3).
Pur izénplu, João 17:3 krê fla livru di João, kapítlu 17, versíklu 3.