STUDU 5

Lé dretu

1 Timóteo 4:13

REZUMU: Lé ku vós altu i sima sta skrebedu.

Pripara dretu. Pensa na pamodi ki kel párti skrebedu. Trena lé grupus di palavra, envês di palavra pa palavra. Toma kuidadu pa bu ka poi algun palavra ki ka sta la ô pa bu ka salta ô troka palavra. Presta atenson na tudu sinal di pontuason.

Pidi un amigu pa obi-u ta lé i pa el fla-u na undi ki bu lé mariadu.
Fla kada palavra dretu. Si bu ka sabe modi ki un palavra ta fladu dretu, obi gravason di publikason ô pidi ajuda na un algen ki ta lé dretu.
Pâpia klaru. Fla kada palavra ku kuidadu, labanta kabésa i abri bóka dretu. Sforsa pa fla kada sílaba.

Ka bu pronúnsia di manera izajeradu pa ka parse stranhu.