Mostra koraji

Kuzê ki Jizus faze

VÍDIU: Jizus da un konsedju pa un jóven ki éra un governanti riku

1. Odja VÍDIU, ô lé Markus 10:17-22. Dipôs pensa i responde kes pergunta li:

1. Ki bons kualidadi talvês Jizus konsigi odja na kel jóven governanti?

2. Pamodi ki Jizus mesteba di amor i koraji pa daba kel ómi konsedju?

Kuzê ki nu ta prende ku Jizus?

2. Óras ki nu meste splika nos studanti kuzê ki el debe faze pa el pode kontinua ta bira más amigu di Jeová, nu debe faze-l ku amor, má tanbê di manera klaru.

Imita Jizus

3. Djuda bu studanti poi i alkansa métas.

1. Uza kel párti “Sprimenta faze kel-li” di kada lison di Vive filís pa tudu ténpu!

2. Djuda bu studanti intende kuzê ki el meste faze pa el alkansa métas ki ta leba poku ténpu i métas ki ta leba más ténpu.

3. Ilojia bu studanti sénpri pa prugrésu ki dja el faze.

4. Djobe kuzê ki sta ta inpidi bu studanti di faze prugrésu i djuda-l vense kes prubléma.

1. Pergunta bu kabésa:

   • ‘Si nha studanti ka sta ta prugridi pa batiza, kuzê ki sta ta inpidi-l?’

   • ‘Kuzê ki N pode faze pa N djuda-l?’

2. Ora ta pidi koraji pa bu pâpia ku bu studanti di manera klaru i ku amor sobri kuzê ki el meste faze.

5. Para studu si kel studanti ka sta faze prugrésu.

1. Pa bu sabe si bu studanti di Bíblia sta ta faze prugrésu, pergunta bu kabésa:

   • ‘Nha studanti sta ta faze sima el sta ta prende?’

   • ‘El sta sisti runions i el sta pâpia ku otus sobri verdadis di Bíblia?’

   • ‘Dipôs di algun ténpu ta studa, dja el krê bira un Tistimunha di Jeová?’

2. Si un studanti di Bíblia ka krê faze prugrésu:

   • Pidi-l pa el pensa sobri kuzê ki pode sta ta inpidi-l di faze prugrésu.

   • Splika-l ku jetu pamodi ki bu sta ta para se studu.

   • Dexa-l sabe kuzê ki el meste faze si dipôs el krê studa otu bês.