Jeová é Deus di pas

1. Jeová, nos Deus di pas,

N’es umildi orason,

Nu ta pidi pa bu spritu

Da-nu pas na korason.

Anos é pekador,

Má pamodi bu amor,

Ten resgati ki é bazi

Pa nu sta na pas ku bo.

2. Bus mandamentu é

Lus ki ta limia-nu pé,

Pa gia-nu na es mundu

Ki ka ten nen pas nen fé.

Timenti fin ka ben,

Géras sénpri ta ben ten.

Má bu povu ten bu spritu,

Union i pas tanbê.

3. Na Téra i na Séu,

Kes ki bu ta ama txeu

Sta unidu pa bu spritu

I lovor es ta traze-u.

Es mundu mau dimás

Dja ka ta ben tra-nu pas.

Reinu nase pa ben traze

Pas ki ka ta kaba más.