KÁNTIKU 95
Lus sta más klaru
(Provérbios 4:18 )
1. Deus fla se profétas ma nos salvason
Ta binha‿através di Misías.
Es studa ku‿npenhu, es presta‿atenson
Pa ntende midjór profesias.
Kel ténpu dja txiga, Misías é Rei,
Nu sta odja klaru sinal.
É un ónra ntende‿es segredu di Deus
Ki ti anjus speraba p’odja-l.
(KORU)
Jeová dja poi lus fika klaru
Pa nu pode anda na el.
El fla se segredu sagradu
Pa tudu se sérvus fiel.
2. Jizus sta ta da-nu kumida spritual
Ki ta ben di skravu prudenti.
Kel lus di verdadi el sta t’omenta-l
Pa toka nos alma i menti.
Nos dia ten lus sima di palmanhan,
El sta límia kada bês más,
Pur isu, nu ta agradise Jeová.
Kel sukuru dja fika pa tras.
(KORU)
Jeová dja poi lus fika klaru
Pa nu pode anda na el.
El fla se segredu sagradu
Pa tudu se sérvus fiel.
(Odja tanbê Rom. 8:22; 1 Cor. 2:10; 1 Ped. 1:12.)