KÁNTIKU 151
Jeová ta ben txoma-s
(Jó 14:13-15 )
1. Oji nu sta, manhan nu ka sta más,
Nos vida ka ta dura.
Mórti ta ben, ta dexa dór pa tras,
Difísil di aguenta.
Si more-nu‿algen, el ta torna ben?
Obi kel ki Deus ta fla:
(KORU)
‘N ta txoma kes ki móre,
P’es ben vive otu bês,
Pamodi‿N ten sodadi;
Inda‿N ten amor pa es.
Nhos ten fé, kel-li é sértu!
Nhos ta torna ben brasa-s;
Filís, pa tudu ténpu,
Nhos ka ta ben sufri más.’
2. Óras ki móre‿algen ki Deus krê txeu,
Deus nunka ka ta skese.
Ken k’el promete vida otu bês
Sta bibu na se menti.
Djuntu nu ta sta, óras ki Jeová
Traze kes ki nu krê txeu.
(KORU)
‘N ta txoma kes ki móre,
P’es ben vive otu bês,
Pamodi‿N ten sodadi;
Inda‿N ten amor pa es.
Nhos ten fé, kel-li é sértu!
Nhos ta torna ben brasa-s;
Filís, pa tudu ténpu,
Nhos ka ta ben sufri más.’
(Odja tanbê João 6:40; 11:11, 43 ; Tia. 4:14.)