Kanpanha ku konviti pa kongrésu

Tudu anu, nu ta ten gana pa txiga nos kongrésu rijional ki ta da-nu txeu alegria. Pa otus tanbê pode tra pruvetu di bondadi di Jeová sima nos, nu ta konvida tudu kes algen ki nu ta pode pa ba sta ku nos. (Sal 34:8) Kada grupu di ansion ta disidi kal ki é midjór manera di uza konvitis.

INFORMASONS KI NU KA DEBE SKESE

• Kongrésu é ki dia?

• Ki dia ki nha kongregason ta kumesa kanpanha?

• Ki dia ki nha kongregason ta faze runion pa pregason?

• Kal ki é nhas méta pa es kanpanha?

• Ken ki N sta pensa konvida?

KUZÊ KI BU PODE FLA?

Dipôs di kunprimenta sima é nos ábitu, bu pode fla:

“Nu sta ta partisipa na un kanpanha ki sta ta fazedu na mundu interu pa ntrega es konviti pa un runion spesial. Dia, óra i lugar sta na konviti. Nu ta fika rei di kontenti di odja-u la ku nos.”

MODI KI BU TA DJUDA KES KI MOSTRA INTERESI?

Nbóra nu krê konvida txeu algen pa kongrésu, nu debe sta sienti pa da atenson pa kes ki mostra interesi, sikrê é poku.

Na fin di simana bu pode oferese revistas djuntu ku konviti.