Kria un bon anbienti pa studa

Bu ta gostaba di tra más pruvetu di bu studu pesoal? Kes sujiston li pode djuda-u konsentra midjór óras ki bu ta studa:

• Djobe un bon lugar. Tenta djobe un lugar ki sta rumadu i ki ten lus ki ta da pa bu lé dretu. Bu pode xinta na un méza, ô bu pode skodje un lugar fóra di kaza ki ta da pa studa.

• Djobe un lugar undi ki bu pode fika bo sô. Jizus disidi faze orason “sédu palmanhan” na “un lugar izoladu”. (Mar. 1:35) Si bo ka ta konsigi fika konpletamenti bo sô, bu pode dexa bu família ô bu koléga di apartamentu sabe di bu planu di studu i pidi-s pa es ka inkomoda-u duránti kel ténpu.

• Mante konsentradu. Ivita kuzas ki ta distrai-u. Si bu ta uza telemóvel ô tablet pa studa, pô-l na silénsiu ô na modu di avion asi pa el ka inkomoda-u. Si timenti bu sta ta studa bu lenbra di un kuza ki bu meste faze, skrebe-l pa bu ka skese di faze-l dipôs, i kontinua ta studa. Si bu ka sta ta konsigi fika konsentradu, faze un pauza pa bu anda ô pa bu faze alongamentu.