Txeu jóven sta ku prublémas di saúdi mental — Kuzê ki Bíblia ta fla?

Na sugunda-fera, dia 13 febreru di 2023, Séntru di Kontrolu i Proteson di Duénsas (CDC, sigla na inglês), di Mérka, lansa un rilatóriu ki ta pâpia sobri saúdi mental di jóvens na Mérka. Na kel rilatóriu es fla ma más di 40 pursentu di jóvens ki sta na liseu, dja ten txeu ténpu ta xinti tristi dimás i sen speransa.

Diretoraa di kel párti di kel séntru ki ta kuida di saúdi di jóvens i di skólas, fla: “Saúdi mental di jóvens piora txeu duránti kes últimu 10 anu. Má gósi, nunbru di kes minina ki fla ma es ta sufri di prublémas di saúdi mental i ma dja es pensa na mata kabésa ô ki dja tenta faze kel-la omenta txeu.”

Kel rilatóriu ta mostra ma:

• Más di 1 na kada 10 minina (14 pursentu) dja forsadu pa faze séksu. Kel diretora fla: “Kel-li é un kuza ki ta preokupa-nu txeu. . . Na kada 10 minina ki bu konxe, peloménus un, ô talvês ti más di ki un, dja violadu.”

• Kuazi 1 na kada 3 minina (30 pursentu) dja pensa sériu na mata kabésa.

• Kuazi 3 na kada 5 minina (57 pursentu) dja ten txeu ténpu ta xinti tristi dimás ô sen speransa.

Kes informason li ta due-nu txeu. Juventudi debe ser un ténpu di txeu alegria. Kuzê ki pode djuda jóvens lida ku kes prubléma ki es ta pasa pa el oji? Kuzê ki Bíblia ta fla?

Bíblia ta da bons konsedju pa jóvens

Bíblia ta pâpia klaru sobri kel ténpu li ki nu sta vive na el xeiu di prubléma. El ta txoma-l di un ténpu “konplikadu difísil di aguenta.” (2 Timótiu 3:1-5) Má, Bíblia ta da bons konsedju ki pode djuda milhons di jóven na mundu interu lida dretu ku kes prubléma ki es ta pasa pa el oji. Odja alguns artigu ku bazi na Bíblia.

• I si N ka krê vive más?

• N krê móre — Bíblia ta pode djuda-m si N sta pensa na mata kabésa?

• Bale péna kontinua ta vive?

• Modi ki N pode lida ku depreson?

• Modi ki N pode ivita pensa di manera negativu?

• Modi ki N pode lida ku ansiadadi?

• Modi ki N pode kontrola nhas sentimentu?

• Ka bu dexa tristéza toma kónta di bo (vídius di dizenhus na kuadru branku)

• Kuzê ki N pode faze si N sta ta sufri abuzu di kolégas?

• Kuzê ki N pode faze si N sta ta sufri abuzu di kolégas pa internet?

• Vense abuzu di kolégas sen faze violénsia (vídius di dizenhus na kuadru branku)

• Modi ki N pode lida ku asédiu seksual?

• Kuzê ki N debe sabe sobri abuzu seksual? — Párti 1: Kuzê ki N pode faze pa N proteje

• Kuzê ki N debe sabe sobri abuzu seksual? — Párti 2: Modi ki N pode rekupera

Bíblia ta da bons konsedju pa pai ku mai

Bíblia tanbê ta da bons konsedju pa pai ku mai asi pa es pode djuda ses fidju lida ku kes prubléma ki jóvens ta pasa pa el. Odja alguns artigu ku bazi na Bíblia.

• Pamodi ki jóvens ta sufri depreson? Kuzê ki pode djuda-s?

• Óras ki bu fidju-fémia sta stresadu

• Kuzê ki N ta faze si nha fidju sta ta sufri bullying ô abuzu di kolégas?

• Óras ki bu fidju sta ta korta ô fri se korpu

• Fidjus i redi sosial — Párti 1: N debe dexa nha fidju uza redi sosial?

• Fidjus i redi sosial — Párti 2: Inxina bu fidju uza redi sosial ku suguransa

• Fidjus i telemóvel — Párti 1: Nha fidju debe ten un telemóvel?

• Fidjus i telemóvel — Párti 2: Inxina bus fidju uza telemóvel dretu

• Pâpia ku bus fidju sobri mensajens ki ten aver ku séksu