2 Na nima yandi ta nata yo na bana ya Aroni, banganga-nzambi, ebuna nganga-nzambi ta baka ndambu ya fufu ya kitoko na diboko mpi mafuta ti ndumbu na yo yonso ya mpembe, mpi yandi ta yoka yo na zulu ya mesa-kimenga sambu yo basisa midinga bonso dikabu ya kifwani,*+ bonso dikabu yina bo me yoka na tiya, dikabu ya nsudi ya kitoko* sambu na Yehowa.

9 Mpi nganga-nzambi ta katula ndambu ya dikabu ya mbuma bonso dikabu ya kifwani*+ mpi ta yoka yo na zulu ya mesa-kimenga sambu yo basisa midinga, bonso dikabu yina bo me yoka na tiya, dikabu ya nsudi ya kitoko* sambu na Yehowa.+

11 “‘Ntangu yai, kana yandi lenda pesa ve mayembe zole to bana-bapizio zole, yandi fwete nata bonso dikabu na yandi sambu na disumu na yandi ndambu mosi na kati ya bandambu kumi ya efa*+ ya fufu sambu na dikabu sambu na disumu. Yandi fwete yika ve mafuta na kati na yo to kutula ndumbu ya mpembe na zulu na yo, sambu yo kele dikabu sambu na disumu. 12 Yandi ta nata yo na nganga-nzambi, ebuna nganga-nzambi ta baka ndambu ya fufu yina na diboko bonso dikabu ya kifwani* mpi ta yoka yo na zulu ya mesa-kimenga sambu yo basisa midinga na zulu ya makabu ya Yehowa yina bo me yoka na tiya. Yo kele dikabu sambu na disumu.