Mukanda ya Lukutakanu Luzingu mpi Kisalu—2025 | juillet

28 JUILLET–3 AOÛT

BINGANA 24

Nkunga 38 mpi Kisambu | Bangogo ya Luyantiku (Mun. 1)

BIMVWAMA YA NDINGA YA NZAMBI

1. Mambu ya Nge Lenda Sala Sambu na Kuvanda Ngolo na Bantangu ya Mpasi

(Min. 10)

Landa kubaka nzayilu mpi mayele (Bin 24:5; w23.07 18 § 15)

Landa kusala mambu ya kimpeve ata ntangu nge me lemba nitu (Bin 24:10; w09 1/12 18 § 12-13)

Kuvanda ngolo na kimpeve ke sadisaka beto na kukangila bampasi ntima (Bin 24:16; w20.12 15)

Mpangi-nkento mosi ya ke bela maladi ya ngolo, ke longa na kiese yonso nsangu ya mbote nzo na nzo ti nduku na yandi. Bo me telama na porte ya nkento mosi mpi mpangi-nkento yina ya ke bela ke songa nkento yango kima mosi na tablete na yandi.

2. Bimvwama ya Kimpeve

(Min. 10)

Bin 24:27—Kingana yai ke longa beto nki? (w09 1/10 10)

Mvutu na nge
Inki bimvwama ya kimpeve ya lutangu ya Biblia ya mposo yai nge ta sepela kutubila?

Mvutu na nge

3. Lutangu ya Biblia

(Min. 4) Bin 24:1-20 (th dilongi 11)

KUDIPESA NA KISALU YA BILANGA

4. Kuyantika Disolo

(Min. 2) KIMBANGI YA DIBAKU YA MBOTE. Disolo me zengana na ntwala nde nge longa muntu nsangu ya mbote. (lmd dilongi 2 kantu-diambu 4)

5. Kuyantika Disolo

(Min. 3) NZO NA NZO. (lmd dilongi 3 kantu-diambu 4)

6. Kuyantika Disolo

(Min. 3) KIMBANGI NA BISIKA YA BANTU MINGI. Songa muntu mosi mambu ya me tala manaka na beto ya kulonguka Biblia ti bantu mpi pesa yandi karti ya kulomba kulonguka Biblia. (lmd dilongi 4 kantu-diambu 3)

7. Diskure

(Min. 3) lmd bangindu ya nkaka A ngindu 11—Ntu-Diambu: Nzambi Me Pesaka Beto Nsangu Mosi ya Mfunu. (th dilongi 6)

ZINGA MUTINDU BAKRISTU FWETE ZINGA

Nkunga 99

8. Beto Sadisana na Bantangu ya Mpasi

(Min. 15) Disolo ti Bawi.

Maladi mosi ya ke mwangana nswalu, kisumbula ya lugangu, mavwanga ya politiki, bitumba to mbangika lenda salama na kintulumukina. Ntangu bampasi yai ke bwaka, bampangi yina bampasi yango ke bwilaka ke vukanaka sambu na kusadisana mpi kupesana kikesa. Ata ntangu bampasi yango ke bwilaka beto ve, beto ke kuditulaka na kisika ya bampangi na beto yina yo me bwila mpi beto ke salaka yonso sambu na kusadisa bo.—1Bk 12:25, 26.

Bifwanisu: Bampangi ke sadisa bampangi na bo na mitindu mingi. 1. Bampangi ke tunga diaka Nzo ya Kimfumu yina bwaka na kisumbula mosi ya lugangu. 2. Bampangi ke yamba na kiese yonso mama mosi ti mwana na yandi ya nkento yina kele barefizie. 3. Mpangi-nkento mosi ke tula makabu na kesi ya makabu na Nzo ya Kimfumu. 4. Bampangi ke pesa bampangi na bo ya barefizie bima yina bo kele na yo mfunu na Nzo ya Kimfumu. 5. Bampangi yina kele bavolontere ke nangula bapake ya milangi ya masa. 6. Mpangi-bakala mosi ke samba.

Tanga 1 Bantotila 13:6 mpi Yakobo 5:16b. Na nima yula bawi ngiufula yai:

Sambu na nki bisambu ya bansadi ya Nzambi sambu na bantu ya nkaka ke vandaka mfunu mingi?

Mvutu na nge

Tanga Marko 12:42-44 mpi 2 Bakorinto 8:1-4. Na nima yula bawi ngiufula yai:

Sambu na nki yo kele mbote nde beto pesa makabu sambu na kisalu ya kulonga nsangu ya mbote na ntoto ya mvimba ata beto kele bansukami mpi beto kele ve ti mbongo mingi ya kupesa makabu?

Mvutu na nge

Songa VIDEO Beto Pesa Bampangi Kikesa Ntangu Bo Me Buyisa Kisalu na Beto. Na nima yula bawi bangiufula yai:

Inki bibansa ya zola bampangi vandaka kusala sambu na kusadisa bampangi na beto yina vandaka kuzinga na bansi ya Europe ya Esti yina bo buyisaka kisalu na beto?

Mvutu na nge
Inki mutindu bampangi lemfukaka na nsiku ya ke lombaka beto na kuvukana na balukutakanu mpi na kupesana kikesa ata bamfumu buyisaka kisalu na beto kuna?—Ebr 10:24, 25

Mvutu na nge