11 “‘Na luyantiku ya konso ngonda,* beno ta pesa bonso dikabu ya kuyoka sambu na Yehowa bana-bangombe zole ya babakala, dimeme mosi ya bakala, bana-mameme ya babakala nsambwadi ya kukonda kifu yina me lungisa mvula mosi,+ 12 mpi bandambu tatu na kati ya bandambu kumi ya bitesilu ya fufu ya kitoko ya bo me vukisa ti mafuta bonso dikabu ya mbuma+ sambu na konso ngombe ya bakala mpi bandambu zole na kati ya bandambu kumi ya bitesilu ya fufu ya kitoko ya bo me vukisa ti mafuta bonso dikabu ya mbuma sambu na dimeme ya bakala,+ 13 mpi ndambu mosi na kati ya bandambu kumi ya kitesilu ya fufu ya kitoko ya bo me vukisa ti mafuta bonso dikabu ya mbuma sambu na konso mwana-dimeme ya bakala, bonso dikabu ya kuyoka, dikabu ya nsudi ya kitoko,*+ dikabu yina bo me yoka na tiya sambu na Yehowa.