14 Kana bakala yina me kuma kimpala mpi ke tula ntembe na kwikama ya nkento na yandi ntangu nkento me kudikumisa mvindu, to kana bakala yina me kuma kimpala mpi ke tula ntembe na kwikama ya nkento na yandi ntangu nkento me kudikumisa ve mvindu, 15 bakala yina fwete nata nkento na yandi na nganga-nzambi kumosi ti dikabu sambu na nkento na yandi, ndambu mosi na kati ya bandambu kumi ya efa* ya fufu ya orze. Yandi fwete tiamuna ve mafuta na zulu na yo to kutula ndumbu ya mpembe na zulu na yo, sambu yo kele dikabu ya mbuma ya kimpala, dikabu ya mbuma yina ke yibusa mbi yina salamaka.