16 “‘Kana kimenga ya dikabu na yandi kele lusilu+ to dikabu ya luzolo ya mbote,+ bo fwete dia yo kilumbu yina yandi ke pesa kimenga na yandi, mpi na kilumbu yina ke landa bo lenda dia mpi kitini yina me bikala.

18 “Tubila Aroni ti bana na yandi mpi bantu yonso ya Izraele nde, ‘Kana muntu mosi ya Izraele to munzenza yina ke zinga na Izraele ke pesa Yehowa dikabu ya kuyoka+ sambu na kulungisa balusilu na yandi to sambu na kupesa dikabu ya luzolo ya mbote,+ 19 yandi fwete pesa mbisi ya bakala ya kukonda kifu+ ya me katuka na bangombe, bana-mameme ya babakala, to bankombo, sambu Nzambi kundima yo.

21 “‘Kana muntu ke pesa Yehowa kimenga ya kinduku+ sambu na kulungisa lusilu mosi to bonso dikabu ya luzolo ya mbote, yo fwete vanda mbisi ya kukonda kifu ya me katuka na bangombe to na mameme, sambu Nzambi kundima yo. Yo fwete vanda ve ti kifu ata fioti.