19 Ebuna wanzio ya Nzambi ya kieleka+ yina vandaka kukwenda na ntwala ya camp ya Izraele katukaka na ntwala mpi vutukaka na nima na bo, mpi dikunzi ya dituti yina vandaka na ntwala na bo katukaka na ntwala mpi kwendaka na nima mpi telamaka na nima na bo.+

20 “Mono ke tinda wanzio mosi na ntwala na nge+ sambu na kutanina nge na nzila mpi kunata nge na kisika yina mono me yidika.+

2 Mono ta tinda wanzio na mono na ntwala na nge+ mpi ta kula bantu ya Kanana, bantu ya Amore, bantu ya Heti, bantu ya Perizi, bantu ya Hivi, mpi bantu ya Yebusi.+