14 Bankento na beno, bana na beno, mpi bitwisi na beno ta zinga na insi yina Moize me pesa beno na simu yai* ya Yordani,+ kansi beno yonso basoda ya ngolo+ fwete sabuka na ndonga ya bitumba na ntwala ya bampangi na beno.+ Beno fwete sadisa bo 15 tii kuna Yehowa ta pesa bampangi na beno ngemba, kaka mutindu yandi me pesa beno ngemba, ebuna bo mpi ta baka insi yina Yehowa Nzambi na beno ke pesa bo. Na nima, beno ta vutuka na insi yina bo pesaka beno na kuzinga mpi na kubaka, insi yina Moize nsadi ya Yehowa pesaka beno na ndambu ya esti ya Yordani.’”+

4 Ntangu yai Yehowa Nzambi na beno me pesa bampangi na beno ngemba, kaka mutindu yandi silaka bo.+ Ebuna ntangu yai, beno lenda vutuka na batenta na beno na ntoto yina Moize nsadi ya Yehowa pesaka beno na simu yina ya nkaka* ya Yordani.+

8 mpi tubilaka bo nde: “Beno vutuka na batenta na beno ti bimvwama mingi, ti bitwisi mingi kibeni, ti arza mpi wolo, kwivre mpi bibende, mpi bilele mingi kibeni.+ Beno baka bima yina beno botulaka+ na bambeni na beno mpi beno kabula yo ti bampangi na beno.”