• 2 Samuele 11:4
    Biblia—Mbalula ya Nsi-Ntoto ya Mpa

    • 4 Na nima, Davidi tindaka binati-nsangu sambu bo kwisa kunata yandi.+ Ebuna nkento yina kwisaka na Davidi mpi yandi lalaka ti nkento yina.+ (Mambu yai salamaka ntangu nkento yina vandaka kudikumisa bunkete na mvindu na yandi.*)+ Na nima, nkento yina vutukaka na nzo na yandi.

  • 2 Samuele 12:10, 11
    Biblia—Mbalula ya Nsi-Ntoto ya Mpa

    • 10 Ntangu yai, mbele ya bitumba ta katukaka ve ata fioti na nzo na nge,+ sambu nge me vweza mono na mutindu nge me baka nkento ya Uria muntu ya Heti sambu yandi kuma nkento na nge.’ 11 Yehowa me tuba nde: ‘Mono ke natila nge mpasi ya ke katuka na nzo na nge mosi;+ mpi na meso na nge mosi, mono ta baka bankento na nge mpi ta pesa bo na muntu ya nkaka,*+ ebuna yandi ta lala ti bankento na nge na kati-kati ya ntangu.*+

  • Bingana 6:32-35
    Biblia—Mbalula ya Nsi-Ntoto ya Mpa

    • 32 Konso muntu yina ke ta bizumba ti nkento me konda mabanza ya mbote;*

      Muntu yina ke sala mutindu yina ke kudinatila mpasi.*+

      33 Yandi ta baka kaka bamputa ti nsoni,+

      Mpi nsoni na yandi ta katuka ve.+

      34 Sambu kimpala ke pesaka bakala makasi;

      Yandi ta wa ve mawa ntangu yandi ke vutula mbi.+

      35 Yandi ta ndima ve matabisi* ata fioti;

      Bo ta lembika yandi ve, ata nge pesa dikabu ya nene nki mutindu.