22 “Kansi nge, mwana na yandi Belshasare, nge me kulumusa ve ntima na nge, ata nge me zaba mambu yai yonso. 23 Nkutu, nge me kuditombula na ntwala ya Mfumu ya zulu,+ mpi nge me lomba nde bo natila nge makopa ya nzo na yandi.+ Na nima, nge ti bantu na nge ya lukumu, bamakangu na nge mpi bankento na nge ya nkaka me nwila yo vinu mpi me kumisa banzambi ya arza mpi ya wolo, ya kwivre, ya kibende, ya nti, mpi ya matadi, banzambi yina ke monaka ve, ke waka ve, mpi ke zabaka kima ve.+ Kansi nge me pesa ve nkembo na Nzambi yina kele ti mpema na nge+ mpi banzila na nge yonso na diboko na yandi.