15 nge fwete tula kibeni ntotila yina Yehowa Nzambi na nge ta sola.+ Nge fwete tula ntotila yina me katuka na kati ya bampangi na nge. Nge fwete tula ve munzenza yina kele ve mpangi na nge na zulu na nge. 16 Kansi, yandi fwete baka ve bampunda mingi+ to kusala nde bantu kuvutuka na Ezipte sambu na kubaka bampunda mingi,+ mpamba ve Yehowa songaka beno nde, ‘Beno fwete vutuka diaka ve ata fioti na nzila yai.’