• Kubasika 32:13
    Biblia—Mbalula ya Nsi-Ntoto ya Mpa

    • 13 Yibuka bansadi na nge Abrahami, Izaki, mpi Izraele, bayina nge zengaka kieleka na zina na nge mosi mpi tubaka nde: ‘Mono ta kumisa bana* na beno mingi bonso bambwetete ya zulu,+ mpi mono ta pesa insi yai yonso ya mono me sola na bana* na beno sambu bo baka yo bonso dikabu+ na bo ya ntangu yonso.’”

  • Levi 26:41, 42
    Biblia—Mbalula ya Nsi-Ntoto ya Mpa

    • 41 Ebuna mono mpi tambulaka na kimbeni ti bo,+ na mutindu mono nataka bo na insi ya bambeni+ na bo.

      “‘Mbala ya nkaka bantima na bo ya kukonda kuyotisa* ta kudikulumusa,+ mpi bo ta futa kifu na bo. 42 Ebuna mono ta yibuka kuwakana na mono ti Yakobi,+ mpi kuwakana na mono ti Izaki,+ mpi mono ta yibuka kuwakana na mono ti Abrahami,+ mpi mono ta yibuka insi yina.

  • Nkunga 106:43-45
    Biblia—Mbalula ya Nsi-Ntoto ya Mpa

    • 43 Mbala mingi yandi vandaka kugulusa bo,+

      Kansi bo vandaka kukolama mpi kukonda bulemfu,+

      Mpi bo vandaka kukulumusa bo sambu na kifu na bo.+

      44 Kansi yandi vandaka kumona mpasi na bo+

      Mpi kuwa kudila na bo sambu na kulomba lusadisu.+

      45 Yandi vandaka kuyibuka kuwakana na yandi sambu na bo,

      Mpi zola na yandi ya kwikama ya nene* vandaka kupusa yandi na kuwa mawa.+