-
2 Bansangu 36:15, 16Biblia—Mbalula ya Nsi-Ntoto ya Mpa
-
-
15 Yehowa Nzambi ya ba-nkaka na bo landaka kukebisa bo na nzila ya binati-nsangu na yandi, yandi vandaka kukebisa bo mbala na mbala, sambu yandi vandaka kuwa mawa sambu na bantu na yandi mpi sambu na kisika yina yandi ke zingaka. 16 Kansi bo vandaka kuseka binati-nsangu ya Nzambi ya kieleka;+ bo vandaka kuvweza ndinga na yandi+ mpi kuseka bambikudi na yandi,+ tii kuna makasi ya Yehowa bwilaka bantu na yandi,+ tii kuna mpila ya kubelula bo vandaka diaka ve.
-
-
Nehemia 9:33Biblia—Mbalula ya Nsi-Ntoto ya Mpa
-
-
33 Nge me monisaka lunungu na mambu yonso yina me kuminaka beto, sambu nge me salaka mambu na kwikama yonso; kansi beto bantu me salaka mambu na nku.+
-
-
Daniele 9:7Biblia—Mbalula ya Nsi-Ntoto ya Mpa
-
-
7 O Yehowa, lunungu kele ya nge, kansi nsoni kele ya beto mutindu yo kele bubu yai, ya bantu ya Yuda, ya bantu ya Yeruzalemi, mpi ya Izraele ya mvimba, bayina kele pene-pene mpi bayina kele ntama, na bansi yonso yina nge panzaka bo sambu bo salaka mambu kukonda kwikama na ntwala na nge.+
-
-
Daniele 9:16Biblia—Mbalula ya Nsi-Ntoto ya Mpa
-
-
16 O Yehowa, na kutadila bisalu na nge yonso ya lunungu,+ pardo, katula makasi mpi nganzi na nge na mbanza na nge Yeruzalemi, ngumba na nge ya santu; mpamba ve, sambu na masumu na beto mpi sambu na bifu ya ba-nkaka na beto, Yeruzalemi ti bantu na nge kele kima ya nsoni na meso ya bantu yonso yina kele na nziunga na beto.+
-