• Yeremia 30:10
    Biblia—Mbalula ya Nsi-Ntoto ya Mpa

    • 10 “Mpi nge, nsadi na mono Yakobi, kuwa boma ve,” Yehowa muntu me tuba,

      “Mpi kutekita ve, O Izraele.+

      Sambu mono ta gulusa nge katuka na kisika ya ntama

      Mpi mono ta gulusa bana na nge katuka na insi yina bo kele na kimpika.+

      Yakobi ta vutuka, ta vanda na ngemba, mpi bo ta yangisa yandi ve;

      Ata muntu mosi ve ta pesa bo boma.”+

  • Ezekiele 39:25, 26
    Biblia—Mbalula ya Nsi-Ntoto ya Mpa

    • 25 “Yo yina Yehowa Mfumu ya Kuluta Nene me tuba nde: ‘Mono ta vutula bantu ya Yakobi+ yina bo nataka na kimpika mpi ta wila nzo ya mvimba ya Izraele mawa;+ mpi na kikesa yonso mono ta nwanina* zina na mono ya santu.+ 26 Na nima ya kubaka nsoni sambu na mambu na bo yonso ya kukonda kwikama yina bo sadilaka mono,+ bo ta zinga na lutaninu na insi na bo, mpi ata muntu mosi ve ta pesa bo boma.+

  • Ozea 2:18
    Biblia—Mbalula ya Nsi-Ntoto ya Mpa

    • 18 Na kilumbu yina mono ta sadila bo kuwakana ti bambisi ya mfinda,+

      Mpi ti bandeke ya zulu mpi bambisi yina ke tambulaka divumu na ntoto;+

      Mono ta katula munduki ya tolo-tolo, mbele ya bitumba, mpi bitumba na insi,+

      Mpi mono ta sala nde bo lala* na lutaninu.+