• Marko 14:48, 49
    Biblia—Mbalula ya Nsi-Ntoto ya Mpa

    • 48 Kansi Yezu tubilaka bo nde: “Keti beno me basika sambu na kukanga mono ti bambele ya bitumba mpi banti bonso nde beno me kwisa kukanga muyibi?+ 49 Konso kilumbu, mono vandaka ti beno na tempelo mono ke longa,+ ata mpidina beno kangaka mono ve. Kansi, yo kele sambu Masonuku kulungana.”+

  • Luka 22:52, 53
    Biblia—Mbalula ya Nsi-Ntoto ya Mpa

    • 52 Ebuna Yezu tubilaka bamfumu ya banganga-nzambi mpi bakapitene ya tempelo mpi bankuluntu yina kwisaka pana sambu na kukanga yandi nde: “Keti beno me basika ti bambele ya bitumba mpi banti bonso nde beno me kwisa kukanga muyibi?+ 53 Ntangu mono vandaka ti beno na tempelo konso kilumbu,+ beno kangaka mono ve.+ Kansi yai kele ngunga na beno mpi kiyeka ya mpimpa.”+