33 Ntangu bo kumaka na kisika ya bo ke bingaka Golgota, disongidila, Kisika ya Mukwa ya Ntu,+ 34 bo pesaka yandi vinu ya kuvukisa ti kima ya ndudi* sambu yandi nwa,+ kansi na nima ya kumeka yo, yandi buyaka kunwa yo. 35 Ntangu bo tulaka yandi na zulu ya nti, bo bulaka zeke sambu na kukabula bilele na yandi ya zulu,+ 36 mpi bo vandaka pana, bo ke kengila yandi. 37 Diaka, bo sonikaka na zulu ya ntu na yandi diambu yina bo fundilaka yandi nde: “Yai Yezu Ntotila ya Bayuda.”+

33 Ntangu bo kumaka na kisika ya bo ke bingaka Mukwa ya Ntu,+ bo tulaka yandi na zulu ya nti na lweka ya bantu yina ya mbi, mosi na diboko na yandi ya kitata mpi mosi na diboko na yandi ya kimama.+

17 Yandi nataka nti na yandi ya mpasi,* yandi kwendaka na kisika ya bo ke bingaka Kisika ya Mukwa ya Ntu,+ yina bo ke bingaka Golgota na Kiebreo.+

12 Yo yina, Yezu mpi monaka mpasi na nganda ya kielo+ sambu na kusantisa bantu ti menga na yandi mosi.+