69 Piere vandaka ya kuvanda na nganda na kati ya kibansala, ebuna nsadi mosi ya nkento kwisaka kisika yandi vandaka mpi tubilaka yandi nde: “Nge mpi nge vandaka ti Yezu muntu ya Galilea!”+ 70 Kansi yandi buyaka yo na ntwala na bo yonso mpi tubaka nde: “Mono me zaba ve mambu ya nge ke tuba.”

66 Ntangu Piere vandaka na nsi, na kati ya kibansala, nkento mosi yina vandaka nsadi ya nganga-nzambi ya nene kwisaka.+ 67 Ntangu yandi monaka Piere ke yotila tiya, yandi talaka yandi na meso mpi tubaka nde: “Nge mpi nge vandaka ti Yezu yai, muntu ya Nazareti.” 68 Kansi yandi buyaka yo mpi tubaka nde: “Mono me zaba yandi ve mpi mono ke bakisa ve mambu ya nge ke tuba,” ebuna yandi kwendaka na nganda pene-pene ya kielo.*

55 Ntangu bo pedisaka tiya na kati-kati ya kibansala mpi vandaka kumosi, Piere vandaka ya kuvanda na kati na bo.+ 56 Kansi ntangu nsadi mosi ya nkento monaka yandi me vanda na ntwala ya tiya, yandi talaka Piere mbote-mbote mpi tubaka nde: “Muntu yai mpi vandaka ti yandi.” 57 Kansi yandi buyaka yo mpi tubaka nde: “Nkento, mono me zaba yandi ve.”

25 Simoni Piere vandaka ya kutelama mpi yandi vandaka kuyotila tiya. Ebuna bo tubilaka yandi nde: “Keti nge mpi, nge kele ve longoki na yandi?” Yandi buyaka nde: “Ve, mono ve.”+