12 Kansi, yandi pesaka bantu yonso yina yambaka yandi kiyeka ya kukuma bana ya Nzambi,+ sambu bo vandaka kumonisa lukwikilu na zina na yandi.+13 Mpi bo butukaka ve na menga, na luzolo ya kinsuni, to na luzolo ya muntu, kansi bo butukaka na Nzambi.+
3 Lukumu kuvanda na Nzambi mpi Tata ya Mfumu na beto Yezu Kristu, sambu na kutadila mawa na yandi ya nene, yandi salaka nde beto butuka diaka+ sambu na kivuvu ya moyo+ na nsadisa ya lufutumuku ya Yezu Kristu na bafwa,+
23 Sambu bo me pesaka beno lubutuku ya mpa,+ bo me sala yo ve na nzila ya nkuna*+ yina ke polaka, kansi na nzila ya nkuna yina ke polaka ve, na nzila ya ndinga ya Nzambi ya moyo mpi ya kimakulu.+
9 Konso muntu yina kele mwana ya Nzambi ke salaka ve disumu,+ sambu nkuna* na yandi kele na muntu yina, mpi yandi ke salaka ve disumu, sambu yandi kele mwana ya Nzambi.+