9 Kansi ntangu bantu ya nkaka buyaka kukwikila na ntu-ngolo yonso,* mpi tubaka mambu ya mbi sambu na Nzila+ na ntwala ya kimvuka ya bantu, yandi bikisaka bo+ mpi kabulaka bo ti balongoki, ebuna konso kilumbu yandi vandaka kusala badiskure na nzo-nkanda ya Tiranusi. 10 Yandi salaka mutindu yina bamvula zole, yo yina bantu yonso yina vandaka na provense ya Azia, Bayuda ti Bagreki, waka ndinga ya Mfumu.