9 Ntangu yandi manisaka kutuba mambu yai, ntangu bo yonso vandaka kutala, bo tombulaka yandi na zulu ebuna dituti mosi fikaka yandi sambu bo mona yandi ve.+

16 Ya kieleka, kinsweki ya santu ya kikalulu yai ya kukangama na Nzambi kele nene kibeni: ‘Yandi monanaka na kinsuni,+ Nzambi ndimaka yandi bonso muntu ya lunungu na mpeve,+ yandi monanaka na bawanzio,+ bo samunaka nsangu na yandi na kati ya makanda,+ bo kwikilaka na yandi na nsi-ntoto,+ bo yambaka yandi na zulu ti nkembo.’