6 Yo yina, nkento monaka nde nti yina vandaka mbote na kudia mpi nde yo vandaka kima mosi ya kitoko na meso, ee, nti yango vandaka kitoko na kutala. Yo yina yandi bakaka mbuma na yo mpi diaka yo.+ Na nima, yandi pesaka mpi ndambu na bakala na yandi ntangu yandi kwisaka, mpi bakala diaka yo.+

13 Ebuna Yehowa Nzambi tubilaka nkento nde: “Inki diambu yai ya nge me sala?” Nkento vutulaka nde: “Nioka kusaka mono, yo yina mono diaka.”+