Yeremia
17 “Bo me sonikaka disumu ya Yuda ti kilapi ya kibende.
Bo me sonikaka yo ti kilapi ya diama na ntima na bo
Mpi na bibongo ya bamesa-kimenga na bo,
2 Ntangu bana na bo ke yibuka bamesa-kimenga na bo mpi banti na bo ya santu*+
Na lweka ya nti ya kele ti matiti mingi, na bangumba ya fioti ya kunanguka,+
3 Na bangumba yina kele na nseke.
Bima na nge, bimvwama na nge yonso, mono ta pesa yo sambu bo botula yo+
—Ee, bisika na nge ya kunanguka sambu na disumu na bateritware na nge.+
4 Nge ta yambula na luzolo na nge mosi dikabu yina mono pesaka nge.+
Mpi mono ta sala nde nge sadila bambeni na nge na insi yina nge me zaba ve,+
Yo ta pelaka ntangu yonso.”
5 Yehowa me tuba nde:
“Bika bo singa muntu* yina ke tulaka ntima na bantu,+
Yina ke tulaka ntima na ngolo ya bantu,*+
Mpi yina ntima na yandi ke yambula Yehowa.
6 Yandi ta kuma bonso nti yina kele yo mosi na ntoto ya zelo na zelo.
Yandi ta mona ve ntangu mambu ya mbote ta kwisa,
Kansi yandi ta zinga na bisika ya kuyuma na ntoto-makanga,
Na insi ya mungwa kisika muntu mosi ve lenda zinga.
8 Yandi ta kuma bonso nti yina bo me kuna pene-pene ya bamasa,
Yina misisa na yo ke kwendaka tii na masa.
Yandi ta zaba ve ntangu mwini ta kwisa,
Kansi matiti na yandi ta yelaka+ ntangu yonso.
Na mvula yina nsungi ya kuyuma ta vanda, yandi ta kudiyangisa ve,
Mpi yandi ta yambula ve kubuta mbuma.
9 Ntima kele luvunu* kuluta konso kima ya nkaka mpi yo kele mbi kibeni.*+
Nani lenda zaba yo?
10 Mono, Yehowa, mono ke sosa-sosaka na ntima,+
Mono ke talaka bangindu ya kati kibeni,*
Sambu na kupesa konso muntu na kutadila banzila na yandi,
Na kutadila mbuma ya bisalu na yandi.+
11 Bonso ngwadi yina ke vukisaka maki yina yo losaka ve,
Muntu yina ke bakaka bimvwama na banzila ya luvunu*+ kele mutindu yina.
Yo ta bikisa yandi na kati-kati ya luzingu,
Mpi na nsuka yandi ta monana kukonda mayele.”
12 Kiti ya kimfumu ya nkembo, yina kele ya kunanguka katuka luyantiku,
Kele kisika na beto ya santu.+
13 O Yehowa, kivuvu ya Izraele,
Bantu yonso yina ke yambula nge ta wa nsoni.
Bantu yina ke kolama na nge,* bo ta sonika bazina na bo na mfututu,+
Sambu bo me yambulaka Yehowa, nto ya masa ya luzingu.+
14 Belula mono, O Yehowa, ebuna mono ta beluka.
Gulusa mono, ebuna mono ta guluka,+
Sambu mono ke pesaka nge lukumu.
15 Tala! Kele ti bantu yina ke tubila mono nde:
“Ndinga ya Yehowa+ kele na wapi?
Pardo, bika yo kwisa!”
16 Kansi mono, mono yambulaka ve kulanda nge bonso ngungudi,
Mono vandaka mpi ve ti nzala ya kilumbu ya mpasi.
Nge me zaba mambu yonso yina mono me tuba;
Yonso salamaka na ntwala ya luse na nge!
17 Kuvanda ve na kisina ya boma ya ngolo sambu na mono.
Nge kele kitininu na mono na kilumbu ya mpasi.
18 Bika bantu yina ke monisa mono mpasi kuwa nsoni,+
Kansi kubika ve nde mono wa nsoni.
Bika boma ya ngolo kusimba bo,
Kansi kubika ve nde boma ya ngolo kusimba mono.
19 Yehowa songaka mono nde: “Kwenda kutelama na kielo ya bana ya bantu, na kielo yina bantotila ya Yuda ke kotaka mpi ke basikaka, mpi na bakielo yonso ya Yeruzalemi.+ 20 Nge fwete tubila bo nde, ‘Beno wa ndinga ya Yehowa, beno bantotila ya Yuda, bantu yonso ya Yuda, mpi bantu yonso ya Yeruzalemi, yina ke kotaka na bakielo yai. 21 Yehowa ke tuba nde: “Beno keba,* mpi beno nata ve ata kilo mosi na kilumbu ya Kisabatu mpi beno kotisa yo ve na bakielo ya Yeruzalemi.+ 22 Beno fwete basisa ve ata kilo mosi na banzo na beno na kilumbu ya Kisabatu; mpi beno fwete sala ve kisalu mosi ata fioti.+ Beno santisa kilumbu ya Kisabatu, kaka mutindu mono songaka ba-nkaka na beno.+ 23 Ata mpidina, bo waka ve mpi tulaka ve makutu, kansi na ntu-ngolo yonso bo* buyaka kulemfuka mpi kundima ndola.”’+
24 “‘“Kansi, kana beno lemfukila mono kibeni,” Yehowa muntu ke tuba, “mpi beno kotisa ve kilo ata mosi na bakielo ya mbanza yai na kilumbu ya Kisabatu, mpi beno sala ve ata kisalu mosi na kilumbu ya Kisabatu+ sambu na kusantisa yo, 25 bantotila mpi bamfumu yina me vanda na kiti ya kimfumu ya Davidi+ ta kota mpi na bakielo ya mbanza yai, bo ta tambula na pusu-pusu mpi na bampunda, bo ti bamfumu na bo, bantu ya Yuda mpi bantu ya Yeruzalemi;+ ebuna bantu ta zingaka na mbanza yai ntangu yonso. 26 Ebuna bantu ta katuka na bambanza ya Yuda, na bisika yina kele na nziunga ya Yeruzalemi, na ntoto ya Benyamini,+ na ntoto yina kele na ndambu ya nsi,+ na ntoto ya bangumba, mpi na Negebi,* mpi bo ta kwisa kunata na nzo ya Yehowa+ makabu ya mvimba ya kuyoka,+ bimenga,+ makabu ya mbuma,+ ndumbu ya mpembe, mpi bimenga sambu na kupesa matondo.
27 “‘“Kansi kana beno lemfukila mono ve, kana beno santisa ve kilumbu ya Kisabatu, kana beno nata bizitu mpi beno kotisa yo na bakielo ya Yeruzalemi na kilumbu ya Kisabatu, mono ta tula bakielo na yo tiya, ebuna yo ta yoka kibeni banzo-zulu ya Yeruzalemi+ ya kele ti bibaka ya ngolo mpi bo ta fwa ve tiya yina.”’”+