Bansangu ya Ntete

9 Bo sonikaka bazina ya bantu yonso ya Izraele na kulanda bandonga ya ba-nkaka na bo, mpi bo me sonikaka yo na Mukanda ya Bantotila ya Izraele. Bo nataka Yuda na Babilone sambu na kukonda kwikama na bo.+ 2 Bantu ya ntete yina vutukaka na bantoto na bo, na bambanza na bo, bo yai: ndambu ya bantu ya Izraele, banganga-nzambi, Balevi, mpi bansadi ya tempelo.*+ 3 Ndambu ya bana ya Yuda,+ ya Benyamini,+ ya Efrayimi, mpi ya Manase kwisaka kuzinga na Yeruzalemi: 4 Utai mwana ya Amihudi mwana ya Omri mwana ya Imri mwana ya Bani, na bana ya Peresi+ mwana ya Yuda. 5 Na bantu ya Shilo: Asaya mwana ya ntete mpi bana na yandi. 6 Na bana ya Zera:+ Yeuele mpi bampangi na bo 690.

7 Na bana ya Benyamini: Salu mwana ya Meshulami mwana ya Odavia mwana ya Asenua, 8 Yibneya mwana ya Yerohami, Ela mwana ya Uzi mwana ya Mikri, mpi Meshulami mwana ya Shefatia mwana ya Rewele mwana ya Yibniya. 9 Mpi bampangi na bo na kulanda ndonga ya ba-nkaka na bo vandaka 956. Bantu yai yonso vandaka bamfumu ya banzo ya batata na bo.*

10 Mpi na banganga-nzambi: Yedaya, Yehoyaribi, Yakini,+ 11 Azaria mwana ya Hilkia mwana ya Meshulami mwana ya Zadoki mwana ya Merayoti mwana ya Ahitubi, ntwadisi mosi ya nzo* ya Nzambi ya kieleka, 12 Adaya mwana ya Yerohami mwana ya Pashure mwana ya Malkiya, Maasai mwana ya Adiele mwana ya Yazera mwana ya Meshulami mwana ya Meshilemiti mwana ya Imere, 13 mpi bampangi na bo, bamfumu ya banzo ya batata, bantu ya ngolo 1 760, babakala ya me fwana yina vandaka ya kuyilama sambu na kisalu ya nzo ya Nzambi ya kieleka.

14 Na Balevi: Shemaya+ mwana ya Ashubi mwana ya Azrikami mwana ya Ashabia na bana ya Merari; 15 mpi Bakbakare, Ereshi, Galale, Matania mwana ya Mika mwana ya Zikri mwana ya Asafi, 16 Obadia mwana ya Shemaya mwana ya Galale mwana ya Yedutuni, mpi Berekia mwana ya Aza mwana ya Elkana, yina vandaka kuzinga na babwala ya bantu ya Netofa.+

17 Bankengidi ya bakielo+ bo yai: Shalumi, Akubu, Talmoni, Ahimani, mpi mpangi na bo Shalumi vandaka mfumu, 18 mpi tii na ntangu yina yandi vandaka na kielo ya ntotila na esti.+ Bo vandaka bankengidi ya bakielo ya bacamp ya Balevi. 19 Shalumi mwana ya Kore mwana ya Ebiasafi mwana ya Kora, ti bampangi na yandi ya nzo ya tata na yandi, bana ya Kora, vandaka ti kiyeka ya kutala bisalu, bankengidi ya bakielo, mpi batata na bo vandaka kutwadisa camp ya Yehowa, bo vandaka kukengila kisika ya kukotila na camp. 20 Fineasi+ mwana ya Eleazare+ muntu vandaka ntete ntwadisi na bo; Yehowa vandaka ti yandi. 21 Zekaria+ mwana ya Meshelemia vandaka nkengidi ya kielo ya munoko ya tenta ya lukutakanu.

22 Bantu yonso ya bo solaka na kuvanda bankengidi ya bakielo ya nzo vandaka 212. Bo vandaka na babwala na bo, mutindu bo sonikaka bazina+ na bo na kulanda bandonga ya ba-nkaka na bo. Davidi mpi Samuele muntu ya ke monaka mambu+ tulaka bo na kisalu ya bo ke pesaka bantu yina bo lenda tudila ntima. 23 Bo ti bana na bo vandaka ti kisalu ya kukengila bakielo ya nzo ya Yehowa,+ nzo ya tenta. 24 Bankengidi ya bakielo vandaka na bandambu iya, na esti, na westi, na nordi, mpi na sudi.+ 25 Mbala na mbala bampangi na bo vandaka kukatuka na babwala na bo mpi kukwisa kusala ti bo bilumbu nsambwadi. 26 Na kisalu ya bo ke pesaka bantu yina bo lenda tudila ntima kuvandaka ti bamfumu* iya ya bankengidi ya bakielo. Bo vandaka Balevi, mpi bo vandaka na kiyeka ya kutala basuku* mpi bisika ya kubumba bimvwama ya nzo ya Nzambi ya kieleka.+ 27 Bo vandaka kulala na bisika na bo na nziunga ya nzo ya Nzambi ya kieleka, sambu bo vandaka ti kisalu ya kukengila mpi bo vandaka ti kiyeka ya kubumba nsabi, mpi bo vandaka kukangula nzo yina konso suka.

28 Bankaka na kati na bo vandaka ti kiyeka ya kutala bisadilu+ ya kisalu; bo vandaka kutanga yo ntangu bo vandaka kukotisa yo mpi bo vandaka kutanga yo ntangu bo vandaka kubasisa yo. 29 Bo pesaka bankaka kisalu ya kutala bisadilu, bisadilu yonso ya santu,+ fufu ya kitoko,+ vinu,+ mafuta,+ ndumbu ya mpembe,+ mpi mafuta ya balsami.+ 30 Bana ya nkaka ya banganga-nzambi vandaka kuvukisa mafuta yina bo vandaka kusala ti mafuta ya balsami. 31 Mpi Matitia, yina vandaka na kati ya Balevi mpi yina vandaka mwana ya ntete ya Shalumi mwana ya Kora, vandaka na kisalu ya bo ke pesaka bantu yina bo lenda tudila ntima sambu na kutala bima yina bo me yoka na bapanu.+ 32 Bampangi na bo ya nkaka yina vandaka bana ya Kohati vandaka kutala mampa ya kutetika,*+ sambu na kuyidika yo konso kisabatu.+

33 Bantu yai vandaka miyimbi-bankunga, bamfumu ya banzo ya batata ya Balevi na basuku,* bantu yina vandaka kusala ve bisalu ya nkaka; sambu yo vandaka kulomba nde bo vanda na kisalu mpimpa ti mwini. 34 Bantu yai vandaka bamfumu ya banzo ya batata ya Balevi na kulanda ndonga ya ba-nkaka na bo, bamfumu. Bo vandaka kuzinga na Yeruzalemi.

35 Tata ya Gibeoni, Yeyele, vandaka kuzinga na Gibeoni.+ Zina ya nkento na yandi Maaka. 36 Mwana na yandi ya ntete Abdoni, na nima Sure, Kishi, Baale, Nere, Nadabi, 37 Gedore, Ahio, Zekaria, mpi Mikloti. 38 Mikloti butaka Shimeami. Bo yonso vandaka kuzinga pene-pene ya bampangi na bo na Yeruzalemi, kumosi ti bampangi na bo ya nkaka. 39 Nere+ butaka Kishi; Kishi butaka Saule;+ Saule butaka Yonatani,+ Malki-shua,+ Abinadabi,+ mpi Eshbaale. 40 Mwana ya Yonatani yandi yai: Meribe-baale.+ Meribe-baale butaka Mika.+ 41 Bana ya Mika bo yai: Pitoni, Meleki, Tahrea, mpi Ahazi. 42 Ahazi butaka Yara; Yara butaka Alemeti, Azmaveti, mpi Zimri. Zimri butaka Mosa. 43 Mosa butaka Binea mpi Refaya mwana na yandi, Eleasa mwana na yandi, Asele mwana na yandi. 44 Asele vandaka ti bana sambanu, mpi bazina na bo yo yai: Azrikami, Bokeru, Ismaele, Sheariya, Obadia, mpi Hanane. Bantu yai vandaka bana ya Asele.