Gédéon na Bantu na Yandi

KETI beno kemona mambu ya keluta awa? Basoda ya beno kemona na kifwanisu kele basoda ya Israele. Muntu yai me telama mfinama ya basoda yai kenwa mwa masa kele zuzi Gédéon. Yandi ketala nki mpila bau kenwa masa.

Beto tala nki mpila basoda kenwa masa. Tatu kenwa masa luse na zulu ya masa mpi ya iya kenwa na kunataka diboko na munoko, yau yina kepesa yandi nzila na kutala mambu keluta na lweka na yandi. Yau kele mfunu mingi sambu Jéhovah tubaka na Gédéon na kubaka kaka bantu yina tanwa masa na kukebaka. Mpi Nzambi tubaka na kuvutula bayina yankaka na banzo na bau.

Bana ya Israele kumaka dyaka na ntangu ya mpasi. Yau kele sambu bau kolamaka na Jéhovah. Bantu ya Madian vandaka kumonisa bau mpasi mpi kubotula bima na bau. Sambu na yau, bantu ya Israele kusambaka Jéhovah sambu yandi kusadisa bau, mpi Jéhovah waka kudila na bau.

Jéhovah pesaka Gédéon nswa ya kukutikisa bantu sambu na kuvanda basoda. Gédéon solaka bantu 32 000. Kansi basoda yina kwisaka kunwanisa bantu ya Israele kuvandaka 135 000. Ebuna Jéhovah songaka Gédéon nde bau vandaka mingi. Sambu na nki?

Sambu bantu ya Israele zolaka kuyindula nde kununga na bau kukatukaka na ngolo na bau mosi kansi na Jéhovah ve. Yau yina, Jéhovah tubaka na Gédéon nde: ‘Tuba na bantu yina kewa boma mpi ketekita na kuvutuka na banzo na bau.’ Gédéon salaka mutindu yina mpi na mbala mosi bantu 22 000 kuvutukaka. Basoda kubikalaka kaka 10 000 sambu na kunwana na bambeni 135 000.

Kansi Jéhovah monaka dyaka nde bau lutanaka mingi. Yau yina yandi tubaka na Gédéon na kunwisa bau masa mpi na kuvutula bayina tanwa luse na zulu ya masa. Jéhovah lakaka yandi nde: ‘Yau kele na bantu yai 300 ya menwa masa ya kutelama mono tanungisa beno.’

Kilumbu ya mvita kumaka. Gédéon kabisaka bantu na yandi 300 na bimvuka tatu. Konso muntu vandaka na mpungi mpi nkuni ya tiya. Na kiteso ya midi ya mpimpa, bau zyungaka camp ya bambeni yonso. Ebuna, na mbala mosi, bau yonso bulaka bampungi, bukaka bankuni ya tiya mpi bokaka nde: ‘Mbele ya Jéhovah mpi ya Gédéon!’ Bambeni sutumukaka na kidiba, bau waka boma mpi bau tinaka. Ebuna basoda ya Israele kunungaka bitumba.