Keti Nge Ta Sala Luzolo ya Yehowa?

Beto ke tonda nge sambu nge me baka ntangu ya kulonguka kamukanda yai sambu na kuzaba Bambangi ya Yehowa, mambu ya beto ke salaka, mpi kumona mutindu organizasio na beto ke kwenda na ntwala. Beto ke tula ntima nde yo me sadisa nge na kuzaba nde beto kele bantu yina ke sala luzolo ya Yehowa bubu yai. Beto ke siamisa nge na kulanda kubaka nzayilu ya Nzambi, na kuzabisa bantu ya dibuta na nge ti banduku na nge mambu ya nge ke longuka, mpi na kuvukanaka mbala na mbala ti beto na balukutakanu na beto ya Bukristu.—Baebreo 10:23-25.

Ntangu nge ke landa kulonguka mambu mingi ya Yehowa, nge ta mona nde yandi ke zolaka nge mingi. Na nima, yo ta pusa nge na kusala yonso ya nge lenda sala sambu na kumonisila yandi zola na nge. (1 Yoane 4:8-10, 19) Kansi, nki mutindu nge lenda monisa mpusa yina na luzingu na nge ya konso kilumbu? Sambu na nki kulemfukila minsiku na yandi ya bikalulu ya mbote kele sambu na mambote na nge? Mpi nki ta sadisa nge na kuzola kusala luzolo ya Nzambi kumosi ti beto? Muntu yina ke longukaka Biblia ti nge ta vanda na kiese ya kusosa bamvutu ti nge sambu nge ti dibuta na nge , beno “bikala na zola ya Nzambi” ti dibanza ya kubaka “luzingu ya mvula na mvula.”—Yude 21.

Na zola yonso, beto ke lomba nge na kulanda kuyela na kieleka na kulongukaka mukanda yai . . .