Mutindu nge lenda baka mambote ya kamukanda yai:

Kamukanda yai tasadisa nge na kusepela kulonguka Ndinga ya Nzambi, Biblia. Baverse yina kele na nsuka ya konso paragrafe kesonga nge kisika nge lenda tanga na Biblia na nge bamvutu ya bangyufula yina kele ya kusonika na bisono ya ndombe.

Ntangu nge ketanga baverse ya Biblia, tadila mutindu yo kepesa mvutu na bangyufula yai. Konso Mbangi ya Yehowa tavanda na kyese ya kusadisa nge na kuzaba ntendula ya Masonuku.—Tanga Luka 24:32, 45.