DILONGI 10

Kusoba Ndinga

Bingana 8:4, 7

NA BUNKUFI: Basisa bangindu pwelele mpi mawi na nge ntangu nge ke soba volime, vitesi mpi ndinga.

Soba volime ya ndinga. Matisa ndinga sambu na kubasisa bangindu ya mfunu mpi sambu na kupesa bawi mpusa ya kulanda. Sala yo mpi ntangu nge ke tanga verse yina ke tubila lusambisu. Kulumusa ndinga sambu na kubenda dikebi ya bawi na kitini yina ke landa to sambu na kubasisa mawi ya boma to ya mpasi.

Kumatisa ve ndinga mbala na mbala kana ve bawi ta mona nde nge ke nganina bo. Kusala ve bansaka mingi sambu na kubenda dikebi ya bawi na kimuntu na nge.
Soba ndinga. Kana yo kele mbote na ndinga na beno, matisa ndinga sambu na kumonisa kiese, nene to kitamina. Kitisa ndinga sambu na kumonisa mawa to mpasi.
Soba vitesi ya ndinga. Tuba mwa ntinu sambu na kubasisa mawi ya kiese. Tuba mwa malembe ntangu nge ke tuba mambu ya mfunu.

Kusoba vitesi na kintulumukina lenda katula dikebi ya bawi. Kutuba ve ntinu-ntinu kana ve bawi ta bakisa ve mambu ya nge ke tuba.