Kana Nge Mezola, Vukana ti Beto na Dyambu Mosi ya Nene na Sabala, Aprili 11, 1998

BAMBANGI YA YEHOWA kebinga nge na kyese yonso na kuyibuka kumosi ti bau dikabu ya Nzambi pesaka: Mwana na yandi Yezu Kristu. Dikabu yai kangulaka nzila sambu bantu kubaka luzingu ya mvula na mvula na zulu ya ntoto.​—Yoane 3:⁠16.

Na mvula yai, Lusungiminu ya lufwa ya Yezu tasalama na Sabala, Aprili 11, na nima ya kudinda ya ntangu. Dati yina kebwa na kilumbu ya Nisani 14 ya manaka ya bangonda ya Biblia. Yula Bambangi ya Yehowa ya nzyunga na nge, kana nge zola, na kuzaba kisika kibeni ti ntangu ya lukutakanu tabanda.