Kana Beto Ke Kuka Ve Kukanga Ntima na Bampasi
Mu mbandu, Sallya na États-Unis, yina vidisaka bima mingi na ntangu mupepe ya ngolo bulaka, ke tuba nde: “Mu vandaka kuzaba diaka ve mambu yina mu lendaka kusala. Na nsungi ya bilumbu mingi mu vandaka kumona nde mu kumaka na nsuka.”
Ebuna kana muntu mosi ya beto vandaka kuzola me fwa? Janice na Australie ke tuba nde: “Ntangu bana na mu zole fwaka, mono waka mpasi mingi mpi mono vandaka kukuka ve kukanga ntima. Mu sambaka Nzambi nde: ‘Pardo, mono ke kuka diaka ve! Fwa mono. Mono kele diaka ve na mfunu ya luzingu.’”
Daniel waka mpasi mingi ntangu nkento na yandi salaka bizumba. Yandi ke tuba nde: “Ntangu nkento na mono songaka mono nde yandi salaka bizumba, mono waka mpasi mingi na ntima. Mono waka mpasi yai na nsungi ya bangonda mingi.”
Nimero ya Nzozulu ya Nkengi yai ta tubila sambu na nki luzingu kele mfunu ata ntangu
Kisumbula me salama
Muntu ya beto vandaka kuzola me fwa
Nkwelani mosi me sala bizumba
Nge ke bela maladi ya ngolo
Nge ke kuka ve kukanga ntima na bampasi
Beto tadila ntete ngiufula yai, nki lenda sadisa beto na kukanga ntima ntangu kisumbula me salama?
a Beto me soba bazina ya nkaka na masolo yai ya kulandana.