Mvutukila ya Nzo-Nkanda ya Kisalu ya Teokrasi

Beno tasadila bangyufula yai ya melanda na Nzo-Nkanda ya Kisalu ya Teokrasi na mposo yina kebanda na Aprili 30, 2007. Nkengi na nzo-nkanda tatwadisa mvutukila yai na minuta 30 na kutadila malongi ya badevware yina kusalamaka na bamposo yina kebanda na Marsi 5 tii na Aprili 30, 2007. [Noti: Kana bo mezabisa ve kisika bo mebaka malongi na nima ya ngyufula, yo ketendula nde nge fwete sala bansosa na nge mosi sambu na kuzwa bamvutu.​—⁠Tala Nzo-Nkanda ya Kisalu, balutiti 36-7.]

BIKALULU YA MUTUBI

1. Inki mutindu beto lenda sala nde pula ya disolo na beto kuvanda pete? [be lut. 168 par. 4]

2. Tanga mitindu iya yina beto lenda tubila malongi na ndonga. [be lut. 170 par. 3–lut. 172 par. 5]

3. Inki mambu beto fwete vila ve na ntangu beto kepona mambu ya beto takotisa na disolo na beto? [be lut. 173 bapar. 2-3]

4. Inki kele mwa mambote ya kusala disolo kukonda kutala-tala banoti? [be lut. 175 bapar. 3-5]

5. Sambu na nki kutuba mutindu beto kesolulaka kele mfunu, mpi nki mutindu beto lenda yedisa kikalulu yai? [be lut. 179 par. 4, lupangu; lut. 180, lupangu]

DISOLO NO. 1

6. Inki mutindu mpangi mosi ya bakala fwete kudibongisa kana yandi fwete sala disolo ya bantendula ya mfunu ya lutangu ya Biblia ya mposo na mposo? [be lut. 47 bapar. 3-4]

7. Sambu na yina metala nkudulu ya Kristu, inki kima kele mfunu mingi kuluta mambote yina beto kebakaka na nzila na yo? [w05-F 11/1 lut. 14 par. 1]

8. Inki mutindu bampangi fwete sadila baverse ya Biblia yina kevandaka na pula ya diskure ya bantu yonso? [be lut. 53 bapar. 1-2]

9. Sambu yandi vandaka longi, inki lukanu Yezu kuvandaka na yo, mpi nki mutindu beto lenda landa mbandu na yandi? [be lut. 57 par. 1]

10. Sambu na nki kufwanisa mambu kesadisaka na kulonga mbote? [be lut. 57 bapar. 3-4]

LUTANGU YA BIBLIA YA MPOSO NA MPOSO

11. Inki mutindu beto lenda sala ngolo na kusadila ndongisila yina kele na Yeremia 6:16 ya kesyamisa beto na kutambula na ‘banzila ya ntama, mpi kuyula wapi nzila ya mbote’?

12. Sambu na nki Yehowa kusadilaka kakangala sambu na kupesa dilongi na Bayuda ya kukonda kwikama, mpi nki dilongi beto lenda baka na dyambu yai? (Yer. 8:⁠7)

13. Inki mutindu beto lenda sadila Yeremia 15:17 na mutindu beto ketadilaka bansaka bubu yai?

14. Inki mutindu bantu kele bonso ntoto ya tuma na maboko ya Yehowa, Muntu ya nene yina kesalaka banzungu ya ntoto? (Yer. 18:​5-11)

15. Inki mutindu ndonga yina Yeremia 25:​17-26 ketanga makanda kele mfunu sambu na bilumbu na beto?