Mvutukila ya Nzo-Nkanda ya Kisalu ya Teokrasi

Beno tasadila bangyufula yai ya melanda na Nzo-Nkanda ya Kisalu ya Teokrasi na mposo yina kebanda na Oktobri 27, 2008. Nkengi na nzo-nkanda tatwadisa mvutukila yai na minuta 30 na kutadila malongi ya badevware yina kusalamaka na bamposo yina kebanda na Septembri 1 tii na Oktobri 27, 2008.

BIKALULU YA MUTUBI

1. Inki mutindu beto lenda zaba balukwikilu ya bantu yankaka? [be lut. 259 bapar. 2, 3]

2. Inki mutindu beto lenda sadisa muntu na kukatula bangindu ya mbi to kimbeni yina kele na ntima na yandi? [be lut. 260 par. 2]

3. Inki mutindu beto lenda sadisa balongoki na beto na kutala ntima na bo sambu na kulanda na kuyela na kimpeve? [be lut. 261 par. 2]

4. Inki beto fwete vila ve ntangu beto kesala kikesa sambu na kusimba ntima ya bawi na beto? [be lut. 262 par. 4]

5. Sambu na nki beto fwete tula dikebi na kuzitisa ntangu na balukutakanu ya dibundu? [be lut. 263 bapar. 1, 3, lupangu]

DISOLO NO. 1

6. Inki kupusaka Polo na kusonika mukanda na yandi ya ntete na Bakristu ya Korinto? [bsi08-1 lut. 20 par. 3]

7. Inki kele mwa bikuma ya kupusaka Polo na kusonika mukanda na yandi ya zole na Bakristu ya Korinto? [bsi08-1 lut. 22 bapar. 1-2]

8. Inki mutindu Bakristu fwete tadila kisalu ya kusamuna? [bsi08-1 lut. 23 par. 18]

9. Inki mutindu beto lenda sala nde Nzambi kundima beto mpi beto kuma kisina ya kyese sambu na bampangi na beto bubu yai, bonso Bakristu ya Filipi? [bsi08-1 lut. 29 par. 12]

10. Inki bupusi ya mbote Polo ti bankundi na yandi kuvandaka na yo na dibundu ya Tesalonika? [bsi08-2 lut. 4 par. 13]

LUTANGU YA BIBLIA YA MPOSO NA MPOSO

11. Kupesa “muntu [ya mbi] na maboko ya Satana, sambu Satana kufwa nitu na yandi; mpidina [mpeve, NW] na yandi ta guluka” ketendula inki? (1 Kor. 5:⁠5) [w08 7/1 “Ndinga ya Yehowa Kele ya Moyo​—⁠Bangindu ya Mfunu ya Mikanda ya Korinto”]

12. Polo kutubilaka “konso ntangu” ya beto kesungimina lufwa ya Yezu; konso ntangu yina ketendula mbala ikwa, mpi tii nki ntangu? (1 Kor. 11:26) [w08 7/1 “Ndinga ya Yehowa Kele ya Moyo​—⁠Bangindu ya Mfunu ya Mikanda ya Korinto”]

13. Inki mbonameso 2 Korinto 12:​2-4 ketubila, mpi yo fwete vanda nani kumonaka mbona-meso yango? [w04 11/1 lut. 8 par. 4; lut. 10 par. 9]

14. Sambu na nki Polo kufwanisaka Nsiku ya Moize ti “ndesi” yina kenata tii na Kristu? (Gal. 3:24) [w08-F 3/1 balut. 18-21]

15. Inki Polo zolaka kutuba ntangu yandi sambaka nde Nzambi ‘kukeba ntima, mabanza ti nitu’ ya bampangi? (1 Tes. 5:23) [w08 9/1 “Ndinga ya Yehowa Kele ya Moyo​—⁠Bangindu ya Mfunu ya Mikanda ya Tesalonika mpi Timoteo”]