Baluzayisu

◼ Mikanda ya kukabula na Yanuari: Inki Biblia Kelongaka Mpenza? Kana bawi kutuba nde bo kele dezia ti mukanda yina, bansamuni lenda pesa bo konso mukanda ya balutiti 192 yina mpusu na yo meyantika kukuma ya ntama to konso mukanda yina ya bo basisaka na ntwala ya 1992. Februari: Kinsweki ya Kyese ya Dibuta. Marsi: Inki Biblia Kelongaka Mpenza? Beno sala ngolo sambu na kuyantika kulonguka Biblia ti bantu.

◼ Yantika na mposo ya ntete ya Marsi, diskure ya mpa ya bantu yonso sambu na bankengi ya nzyunga tavanda na ntu-dyambu “Beto Buya Mambu ya Luvunu ya Nsi-Ntoto, Beto Landa Mambu ya Kyeleka ya Kimfumu.”

◼ Mabundu fwete yilama mbote sambu na kusala Lusungiminu ya mvula yai na Kiya, Aprili 9, na nima ya kudinda ya ntangu. Konso dibundu fwete sala Lusungiminu na Nzo ya Kimfumu na yo mosi. Na bisika yina mabundu mingi kesadilaka Nzo ya Kimfumu mosi, mbala yankaka dibundu mosi to mingi lenda sosa kisika yankaka yina bo tasadila na nkokila yina. Kana mpila tavanda, beto kepesa beno ngindu na kulutisa minuta kiteso ya 40 kana bayina kuyantikaka ntete memanisa mpi na ntwala nde bampangi yankaka kuyantika.