Baluzayisu

◼ Mikanda ya kukabula na Septembri: Inki Biblia Kelongaka Mpenza? Kana mpila kele bansamuni tasala ngolo sambu na kuyantika kulonguka Biblia ti bantu na mbala ya ntete ya bo tapesa bantu yango mukanda yai. Songa bawi mutindu bo lenda bakila yo mambote na kumonisaka na bunkufi mutindu beto kelongukaka Biblia ti bantu. Oktobri: Nzozulu ya Nkengi mpi Réveillez-vous ! Kana muntu kumonisa mpusa, songa mpi tadila ti yandi trakiti Keti Nge Tazola Kuzaba Kyeleka? Kana bawi kele dezia ti trakiti yai, bansamuni fwete sala bikesa sambu na kuyantika kulonguka Biblia ti bo.

◼ Diskure ya sipesiali ya bantu yonso sambu na nsungi ya Lusungiminu ya mvu 2010 tasalama na mposo ya Aprili 12, 2010. Beto tazabisa beno ntu-dyambu ya diskure yango na nima. Mabundu yina tayamba nkengi ya nzyunga to tavanda ti lukutakanu ya nzyunga to ya sipesiali na wikendi yina, tasala diskure ya sipesiali na mposo yina talanda. Ata dibundu mosi ve fwete sala diskure ya sipesiali na ntwala ya Aprili 12.