Baluzayisu

◼ Mikanda ya kukabula na Novembri: Inki Biblia Kelongaka Mpenza? Kana bawi kele dezia ti mukanda yai, bansamuni lenda pesa bo konso mukanda yina ya balutiti 192 yina kele ti lutiti ya zulu ya papie yina meyantika kunzuluka to konso mukanda yina kubasikaka na ntwala ya mvu 1995. Desembri: Muntu ya Kuluta Nene ya Ntangu Yonso. Kana bawi kele na bana, beno pesa bo mukanda Longuka na Longi ya Nene. Yanuari: Inki Biblia Kelongaka Mpenza? Kana bawi kele dezia ti mukanda yai, bansamuni lenda pesa bo konso mukanda yina ya balutiti 192 yina kele ti lutiti ya zulu ya papie yina meyantika kunzuluka to konso mukanda yina kubasikaka na ntwala ya mvu 1995. Februari: Kinsweki ya Kyese ya Dibuta.

◼ Na kilumbu ya Mposo, Novembri 28, 2009, dibuta ya Betele tavanda ti bisalu yina metala bo mosi, mpi na kilumbu ya Mposo, Desembri 12, 2009, bo tasala kisalu ya kutula bunkete na Betele ya mvimba. Yo yina, beto kelomba beno na kusala ve programe ya kukwenda kutala Biro ya Filiale to bampangi yina kevandaka na Betele na bilumbu yina zole.