Baluzayisu

◼ Mikanda ya kukabula na Desembri: Muntu ya Kuluta Nene ya Ntangu Yonso. Kana bawi kele na bana, beno pesa bo mukanda Longuka na Longi ya Nene. Yanuari: Inki Biblia Kelongaka Mpenza? Kana bawi kele dezia ti mukanda yai, bansamuni lenda pesa bo konso mukanda ya balutiti 192 yina kele ti lutiti ya zulu ya papie yina meyantika kunzuluka to konso mukanda yina kubasikaka na ntwala ya mvu 1995. Februari: Kinsweki ya Kyese ya Dibuta. Marsi: Inki Biblia Kelongaka Mpenza? Bansamuni fwete vanda na lukanu ya kuyantika kulonguka Biblia ti muwi na nima ya kupesa yandi mukanda yai to kana muwi kele dezia ti mukanda yango na nzo.

◼ Lusungiminu ya mvu 2011 tasalama na Lumingu, Aprili 17, na nima ya kudinda ya ntangu. Beto mezabisa dati yai na ntwala sambu bampangi kubongisa dezia kisika to kukutana ti bantu yina lenda sadisa bo na kuzwa bisika ya kusala Lusungiminu kana mabundu mingi kesadilaka Nzo ya Kimfumu mosi mpi kana yo kelomba nde bo sosa bisika yankaka.

◼ Ntama mingi ve beto tatinda baemvitasio ya Lusungiminu sambu na mvu 2010 na ndinga yina konso dibundu kesadilaka. Kana bantu ya teritware na beno ketubaka bandinga yankaka mpi beno kezola nde beto tindila beno baemvitasio na bandinga yango, beno fwete lomba yo kukonda kusukinina na nzila ya Demande de publications (S-14). Lisiti ya bandinga yina baemvitasio ya Lusungiminu kele tabasika na “Avis aux Congrégations,” yina beto ketindaka konso ngonda.

◼ Na ntwala nde beto zwa mukanda ya bankunga Beto Yimbila Yehowa na Kikongo, manaka ya balukutakanu tavandaka ti banimero zole ya bankunga. Nimero ya ntete tavanda nimero ya nkunga na kulandaka mukanda ya bankunga ya mpa mpi nimero ya zole ya kele na kati ya baparantezi tavanda nimero ya nkunga na kulandaka mukanda ya bankunga ya ntama.