Mvutukila ya Nzo-Nkanda ya Kisalu ya Teokrasi

Beno tasadila bangyufula yai ya melanda na Nzo-Nkanda ya Kisalu ya Teokrasi na mposo yina kebanda na Yuni 25, 2012. Beto metula dati yina beno talonguka mambu yonso yina bangyufula ketadila na mpila nde beno kuka kusala bansosa ntangu beno tabongisaka nzo-nkanda konso mposo.

1. Inki dilongi beto kebaka na mutindu Yeremia gulukaka na bantangu ya mpasi ya mbongo? (Yer. 37:21) [Mayi 7, w97 10/1 lut. 3 par. 4–lut. 4 par. 1]

2. Inki mutindu Bakristu yina kele ti kivuvu ya kuzinga na nsi-ntoto kelandaka mbandu ya Ebedi-Meleki? (Yer. 38:8-13) [Mayi 7, su-F lut. 179 par. 9]

3. Sambu Yehowa sadilaka basoda ya Nabukodonozore sambu na kutanina Yeremia mpi Baruki, keti yo mefwana nde Bakristu kusosa lutaninu ya bamfumu ya basoda? (Yer. 39:11-14) [Mayi 14, w83-F 10/15 lut. 31]

4. “Bima ya nene” yina Baruki vandaka kusosa vandaka nki, mpi mutindu yandi salaka mambu ntangu Yehowa pesaka yandi ndongisila keyibukisa beto nki kyeleka? (Yer. 45:5) [Mayi 21, w06-F 8/15 lut. 18 par. 1; lut. 19 par. 6]

5. Ntangu Yehowa zabisaka ndola yina mefwana sambu na Edomi, nki luswaswanu yandi monisaka na kati na yandi ti ‘bantu yina kekatulaka bambuma’ mpi “bamiyibi”? (Yer. 49:9, 10) [Mayi 28, w77-F lut. 666 par. 7–lut. 667 par. 1]

6. Inki dilongi beto kebaka na mambu yina kuminaka Ntotila Sedesiasi ntangu yandi “salaka ntu-ngolo na Nabukodonozore, ntotila ya Babilonia”? (Yer. 52:3, 7-11) [Yuni 4, w88-F 9/15 lut. 17 par. 8; w81-F 7/1 lut. 13 bapar. 3-4; lut. 14 par. 6]

7. ‘Kisika ya Yehowa ketulaka makulu’ mpi “kamwa-kisasa” na yandi kele inki? (Mawa 2:1, 6) [Yuni 11, w07 6/1 lut. 9 par. 2]

8. Yeremia zolaka kutuba nki ntangu yandi tubaka nde Yehowa zolaka ‘kuyindula mpi kudikulumusa’ na nivo na yandi, mpi sambu na nki dyambu yai ketadila beto mpenza? (Mawa 3:20) [Yuni 18, w07 6/1 lut. 11 par. 2]

9. Sambu na nki yo kele mfunu na kulonguka kukanga ntima na bampasi na kileke? (Mawa 3:27) [Yuni 18, w07 6/1 lut. 11 par. 5; w87-F 2/15 lut. 24 par. 1]

10. Inki mutindu mbandu ya Ezekiele lenda sadisa beto na kutuba ti kikesa ata bantu kebuya nsangu na beto? (Ezek. 3:8, 9) [Yuni 25, w08 7/1 balut. 16, 17 bapar. 6-7]