Bansoba na Manaka ya Lukutakanu ya Konso Mposo

Banda na mposo ya Septembri 3, Kulonguka ya Biblia ya Dibundu tasalaka minuta 30 na kisika ya minuta 25. Na bangogo na yandi ya luyantiku, ntwadisi ya lukutakanu yai fwete baka munuta mosi sambu na kuvutukila dilongi ya mposo yina meluta. Lukutakanu ya Kisalu tasalaka minuta 30 na kisika ya minuta 35. Minuta sambu na baluzayisu tavanda dyaka ve. Kansi baluzayisu fwete pesama na luyantiku ya kitini ya ntete ya manaka. Mbala mingi, yo tavanda mbote na kupesa ve baluzayisu mingi mpi yo tavanda ve mfunu na kutubila masolo yina tasalama. Baluzayisu yina ketadila kisalu ya bilanga, manaka sambu na kutula bunkete mpi bambote yina kekatukaka na mabundu yankaka ta pesamaka dyaka ve. (km 10/08 lut. 1, par. 4) Kana yo kelomba kupesa luzayisu mosi ya nda, yo tavanda mbote kana bampangi yina kele ti masolo kuzaba yo na ntwala, mpidina bo lenda fyotuna minuta ya masolo na bo.