Inki Nge Ta Sala na Bilumbu ya Nkinsi?

Sambu bantu mingi ke vandaka na banzo na bilumbu ya nkinsi ya mabundu mpi ya bansi, mbala mingi yo ke pesaka beto mabaku ya kusala kisalu ya kusamuna. Beto ke siamisa mabundu na kusala bangidika ya sipesiali sambu na kuta kimbangi na bilumbu ya nkinsi. Kana bantu mingi na teritware ta telema na retare, yo ta vanda mbote nde beno soba ntangu ya lukutakanu sambu na kisalu ya bilanga. Beno ta zabisa dibundu konso ngidika ya sipesiali yina me tala kuta kimbangi na kilumbu ya nkinsi na Lukutakanu ya Kisalu mpi beno siamisa bantu yonso yina lenda sala yo. Ya kieleka, bilumbu ya nkinsi ke pesaka beto mabaku ya kupema mpi ya kulungisa mambu na beto mosi. Kansi, sambu na nki ve kubumba mwa ntangu sambu na kisalu ya kusamuna? Mpidina, nge ta baka kikesa yina ke katukaka na kusala kisalu ya santu.—Mat. 11:29, 30.